པ་ཀིཛ་ཏཱན་གྱི་ བློན་ཆེན་བགྲེསཔ་ ན་ཝཱཛ་ཤ་རིཕ་གིས་ བློན་ཆེན་བཙག་འཐུའི་ནང་ ལོག་སྟེ་ར་ གྲལ་གཏོགས་འབད་ནི།

བི་བི་སི།
པ་ཀིཛ་ཏཱན་གྱི་ བློན་ཆེན་བགྲེསཔ་ ན་ཝཱཛ་ཤ་རིཕ་དེ་ རྒྱལ་ཁབ་ནང་ལས་ བྲོས་ཟུར་བད་དེ་ ཡར་སོང་པའི་ཤུལ་ལུ་ ན་ཧིང་ རྒྱལ་ཁབ་ནང་ ལོག་འོང་ཡོདཔ་བཞིན་དུ་ ད་རེས་ སྤྱི་ཟླ་ ༢ པའི་ཚེས་ ༨ ལུ་ བློན་ཆེན་བཙག་འཐུའི་ནང་ དོ་འགྲན་འབད་དེ་ རྒྱལ་ཁ་འཐོབ་ནི་སྦེ་ ཏན་ཏན་ཡར་སོངཔ་བཟུམ་ཅིག་ཡོདཔ་ཨིན་པས།
དེ་ཡང་ ཧེ་མ་ བློན་ཆེན་སྦེ་ སྡོད་པའི་སྐབས་ལུ་ ངན་ལྷད་ཀྱི་ ཉེས་འཛུགས་ཕོག་ཡོདཔ་ལས་ ཁོ་གི་གཞུང་དེ་ དྲག་པོའི་དམག་སྡེ་གིས་ བཙན་བཟུང་འབད་ནུག།
ཨིན་རུང་ པ་ཀིཛ་ཏཱན་གྱི་ དྲག་པོའི་དམག་སྡེ་ལུ་ རྒྱབ་འགལ་འབད་མི་ ན་ཝཱཛི་ཤ་རིཕ་གིས་ བློན་ཆེན་གྱི་གོ་གནས་ ཡང་བསྐྱར་འཆང་ནི་བཟུམ་ཅིག་ཡོདཔ་ཨིན་པས།
ན་ཝཱཛི་ཤ་རིཕ་གྱི་ དོ་འགྲན་པ་ ཧེ་མའི་བློན་ཆེན་ ཨིམ་རཱན་ཁཱན་དེ་ ཧེ་མར་ དྲག་པོའི་དམག་སྡེ་གིས་ རྒྱབ་བཟུང་སྟེ་ཡོདཔ་ད་ ད་རེས་ བཙོན་ཁང་ནང་ཡོད་མི་ ཨིམ་རཱན་ཁཱན་གྱིས་མ་ཚད་པར་ ཁོ་རའི་སྲིད་ཚོགས་དེ་ཡང་ རྒྱལ་ཁབ་ནང་ བཀག་འཛིན་འབད་ནུག་ཟེར་ བཀོད་འདུག་པའི་གནས་ཚུལ།

Please follow and like us: