རྒྱ་གར་གྱི་ ས་མཚམས་ཁར་ པ་ཀིཛ་ཏཱན་གྱི་ གནམ་གྲུ་ཆུང་བ་ཌཱོན་ཚུ་འཕུར་འགྲུལ།

ཨེན་ཌི་ཊི་ཝི།
སྤྱི་ཟླ་ ༢ པའི་ཚེས་ ༡༦ ལུ་ རྒྱ་གར་ཇ་མུ་དང་ ཀཤ་མིར་གྱི་ ས་མཚམས་ཁར་ པ་ཀིཛ་ཏཱན་གྱི་ མཁའ་དམག་གནམ་གྲུ་ཆུང་བ་ཌཱོན་ཚུ་ རྒྱ་གར་གྱི་ མཁའ་དབྱིངས་ལུ་ འཕུར་སར་མཐོངམ་ལས་ སྲུང་སྐྱོབ་དམག་མི་ཚུ་གིས་ ཀྲོབ་མདའ་རྐྱབ་ནི་གི་ རྩིས་རྐྱབ་ད་ ལོག་སྟེ་ར་ པ་ཀིཛ་ཏཱན་ལུ་ འཕུར་ཡར་སོང་ཡི་ཟེར་ཨིན་པས།
དེ་བཟུམ་སྦེ་ ས་གནས་དུལ་པུར་ཟེར་སར་ཡང་ གནམ་གྲུ་ཆུང་བ་ ཌཱོན་དག་པ་ཅིག་ གནམ་ཁར་འཕུར་སར་ མཐོང་ཡོདཔ་མ་ཚད་ སྤྱི་ཟླ་ ༢ པའི་ཚེས་ ༡༢ ལུ་ཡང་ ས་གནས་མཱན་ཀོ་ཊེ་ལུ་ བྱང་ཕྱད་ཀྱི་ཌཱོན་ཅིག་ འཕུར་སར་མཐོང་སྟེ་ རྒྱ་གར་གྱི་ དམག་མི་ཚུ་གིས་ ཀྲོབ་མདའ་རྐྱབ་ནུག།
ཇ་མུ་དང་ ཀཤ་མིར་གྱི་ ཁྲིམས་སྲུང་འགག་སྡེ་གིས་ ཁོང་གི་ས་མཚམས་ཁར་ མཚོན་ཆ་དང་ སྨྱོ་རྫས་བཀོག་མི་ ཌོན་ཚུ་གི་སྐོར་ལས་ བརྡ་སྤྲོད་འབད་མི་ལུ་ རུ་པི་འབུམ་ ༣ གསོལ་རས་བྱིན་ནི་ཨིན་པའི་ གསལ་བསྒྲགས་ཡང་འབད་ནུག་ཟེར་ བཀོད་འདུག་པའི་གནས་ཚུལ།

Please follow and like us: