མི་རྗེ་བློན་ཆེན་མཆོག་གིས་ བཟོ་གྲྭ་ཆུང་བའི་ མི་སྡེའི་འཐུས་མི་ཚུ་དང་མཇལ་ཕྲད།

སྤྱི་ཟླ་ ༢ པའི་ཚེས་ ༡༦ ལུ་ མི་རྗེ་བློན་ཆེན་མཆོག་ བཟོ་གྲྭ་ཚོང་ལས་དང་ ལཱ་གཡོག་བློན་པོ་དང་ དངུལ་རྩིས་བློན་པོ་ དེ་ལས་ གཞུང་གི་ཆེ་མཐོའི་འགོ་དཔོན་ཚུ་གིས་ ཕྱག་ཞུ་སྟེ་ འབྲུག་གི་ནང་འཁོད་བཟོ་གྲྭ་དང་ བཟོ་གྲྭ་ཆུང་བའི་ ཚོགས་པའི་བཀོད་ཚོགས་དང་ ཚོགས་པ་དེ་ནང་གི་ མི་སྡེའི་འཐུས་མི་ཚུ་དང་གཅིག་ཁར་ མཇལ་ཕྲད་མཛད་ནུག།
དེ་བསྒང་ མི་རྗེ་བློན་ཆེན་གྱིས་ རྒྱལ་ཁབ་ཀྱི་ དཔལ་འབྱོར་བསྐྱར་གསོའི་ནང་ ནང་འཁོད་བཟོ་གྲྭ་དང་ བཟོ་གྲྭ་ཆུང་བའི་ གལ་གནད་ཅན་གྱི་ འགན་ཁུར་ལུ་ གཙོ་རིམ་བཟུང་སྟེ་ འཐུས་མི་ཚུ་གིས་ ཁོང་གི་དོ་འགྲན་ཚུ་གི་སྐོར་ལས་ བརྡ་དོན་བརྗེ་སོར་འབད་དེ་ གཞུང་ལུ་ གྲོས་འདེབས་ཚུ་ ཕུལ་དགོ་པའི་ བསྐུལ་མ་མཛད་ཡོདཔ་ད་ གཞུང་གི་ཁ་ཐུག་ལས་ གཙོ་རིམ་བཟུང་སྟེ་ དོ་འགྲན་བསལ་ཐབས་ཚུ་ ཧྲིལ་བུ་མཛད་ནི་གི་ ཁས་ལེན་ཡོད་ཟེར་ གསུངས་གནང་ཡོད་པའི་གནས་ཚུལ།

Please follow and like us: