ག་ཟའི་དམག་འཁྲུག་ནང་ པེ་ལེཛ་ཊིན་གྱི་ མི་སེར་ ༣༠,༠༠༠ ལྷགཔ་ཅིག་ལུ་ཤི་རྐྱེན།

བི་བི་སི།
སྤྱི་ཟླ་ ༢ པའི་ཚེས་ ༢༩ ལུ་ ཧ་མཱཛ་མངའ་སྡེ་གཞུང་གི་ གསོ་བའི་བློན་པོ་གིས་ བཤད་དོ་བཟུམ་འབད་བ་ཅིན་ ག་ཟ་ལུ་ ན་ཧིང་ སྤྱི་ཟླ་ ༡༠ པའི་ཚེས་ ༧ ལས་ ད་ཚུན་གྱི་བར་ན་ པེ་ལེཛ་ཊིན་གྱི་ མི་སེར་ ༣༠,༠༠༠ ལྷགཔ་ཅིག་ལུ་ ཤི་རྐྱེན་བྱུང་ནུག་ཟེར་ཨིན་པས།
དེ་ཡང་ དམག་འཁྲུག་ལུ་བརྟེན་ཏེ་ མངའ་སྡེ་དེ་ནང་ མི་རློབས་ས་ཡ་ ༢.༣ ཡོད་མི་ལས་ བརྒྱ་ཆ་ ༡.༣ དེ་ཅིག་ལུ་ ཤི་རྐྱེན་བྱུང་མི་དེ་ ཧ་ལས་སི་སི་ཅིག་དང་ དེ་སྦེ་ ཤི་རྐྱེན་བྱུང་མི་ཚུ་ཡང་ མང་ཤོས་ཅིག་ར་ ཨམ་སྲུ་ཚུ་དང་ ཨ་ལོ་ཚུ་ཨིནམ་སྦེ་བཀོད་ནུག།
དམག་འཛིང་དེ་ནང་ ཤི་རྐྱེན་བྱུང་མིའི་གྱངས་ཁ་ དེ་བ་ལེ་ཤ་ཅིག་གིས་ ལྷག་ནི་ཨིན་མི་དེ་ཡང་ ཨིཛ་རེལ་གྱིས་ མཁའ་དམག་ཐོག་ལས་ དྲག་བཅོམ་འབད་བའི་སྐབས་ལུ་ སྒྲིང་ཁྱིམ་ཚུ་གུ་ཕོག་སྟེ་ ཧྲམ་བཏང་མིའི་ རག་རོ་ཚུ་གི་འོག་ལས་ཕར་ མི་སེར་སྟོང་ཕྲག་ལས་བཅད་དེ་ བྱང་སྟོར་ཤོར་མི་ཚུ་ མ་བརྩི་བར་ཡོདཔ་ཨིན་པས།
དེ་བཟུམ་སྦེ་ གསོ་བའི་བློན་པོ་གིས་ མི་སེར་ ༧༠,༠༠༠ ལྷགཔ་ཅིག་ལུ་ རྨ་སྐྱོན་བྱུང་ཡོདཔ་སྦེ་ བཤད་མི་དེ་ཡང་ འཛམ་གླིང་སྤྱི་ཚོགས་ཀྱི་ ལས་སྡེ་ཚུ་དང་ རྒྱལ་སྤྱིའི་གཙུག་སྡེ་ཚུ་གིས་ གཞུང་འབྲེལ་ཐོག་ལུ་ ཐོ་བཀོདའབད་མི་ལུ་ གཞིར་བཞག་སྟེ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: