པདྨ་དགའ་ཚལ་རྫོང་ཁག་གི་ འཛམ་གླིང་ཞི་བདེའི་ སྨོན་ལམ་ཆེན་མོ།

གཞུང་གྲྭ་ཚང་གི་ ཚོགས་ཀྱི་སློབ་དཔོན་མཆོག་ དབུ་བཞུགས་ཐོག་ལུ་ པདྨ་དགའ་ཚལ་གྲྭ་ཚང་དང་ དགོན་སྡེ་ཁག་གི་ བླ་སློབ་དང་ དགེ་སློང་ སྒོམ་ཆེན་ ཨ་ཎེམོ་ཚུ་གིས་ ཉིན་གྲངས་ ༥ གི་རིང་ལུ་གནང་མི་ པདྨ་དགའ་ཚལ་རྫོང་ཁག་གི་ འཛམ་གླིང་ཞི་བདེའི་ སྨོན་ལམ་ཆེན་མོ་ ཐེངས་ ༡༡ པ་དེ་ སྤྱི་ཟླ་ ༣ པའི་ཚེས་ ༡ ལུ་ ཚེ་དབང་གནང་ཐོག་ལས་ གྲོལ་ཡོདཔ་ཨིན་པས།
དེ་ཡང་ སྤྱིར་འཛམ་གླིང་དང་ ལྷག་པར་དུ་ འབྲུག་རྒྱལ་ཁབ་འདི་ནང་ ཞི་བདེ་འབྱུང་ཐབས་ལུ་དང་ ཡང་སྒོས་ལུ་ མི་དབང་མངའ་བདག་རིན་པོ་ཆེ་མཆོག་གིས་ དབུ་གཙོས་པའི་ མི་དབང་སྐུ་འཁོར་ལྷན་རྒྱས་ཚུ་ སྐུ་ཚེ་ཞབས་པད་བརྟན་ཏེ་ མངའ་ཐང་དར་ཞིང་རྒྱས་ཐབས་ལུ་ཨིནམ་ད་ དེ་བསྒང་ དད་ཅན་མི་སེར་ཕོ་མོ་ཚུ་ཡང་ མང་རབས་ཅིག་ འཛོམས་ཡོད་པའི་ གནས་ཚུལ་མདོར་བསྡུས།

Please follow and like us: