མི་དབང་ཞབས་ལས་ ཡབ་དོན་གྲུབ་རྒྱལ་མཚན་ལུ་ འབུ་རས་དམརཔོ་གནང་ཡོདཔ།

གནམ་ལོ་ཤིང་འབྲུག་ཟླཝ་ ༡ པའི་ཚེས་ ༢༥ སྤྱི་ཟླ་ ༣ པའི་ཚེས་ ༥ ལུ་ མི་དབང་མངའ་བདག་རིན་པོ་ཆེ་མཆོག་གིས་ མི་དབང་རྒྱལ་བཙུན་མཆོག་གི་ ཡབ་དོན་གྲུབ་རྒྱལ་མཚན་ལུ་ དཔོན་གཉིས་སྐལ་མའི་ གོ་གནས་ཐོག་ལུ་ འབུ་རས་དམརཔོ་གནང་ནུག།

འབྲུག་མཁའ་འགྲུལ་གྱི་ གནམ་གྲུའི་དེད་དཔོན་གཙོ་འཛིན་ ཡབ་དྲག་ཤོས་དོན་གྲུབ་རྒྱལ་མཚན་གྱིས་ འབྲུག་གི་མཁའ་འགྲུལ་བཟོ་གྲྭའི་ནང་ མདུན་བསྐྱོད་ཐོག་ལས་ དུས་ཚོད་ཁར་ གསར་གཏོད་ལས་དོན་ཚུ་ འགོ་ཁྲིད་མཛད་དེ་ སྒྲིག་ལོ་ ༣༥ འཁོར་ཡོདཔ་ཨིན་པས།

དེ་མ་ཚད་ ཡབ་དྲག་ཤོས་དོན་གྲུབ་རྒྱལ་མཚན་གྱིས་ རྒྱལ་སྤྱི་མཁའ་འགྲུལ་བཟོ་གྲྭའི་ནང་ ཡོངས་གྲགས་ཐོན་མི་ སྤ་རོ་གནམ་གྲུའི་ཐང་ གཞི་བསྒྱུར་གྱི་ ལཱ་ཚུ་ནང་ཡང་ ཞིབ་རྟོག་ཚུ་མཛད་ནུག།

ཡབ་དྲག་ཤོས་དོན་གྲུབ་རྒྱལ་མཚན་དང་ ཡུམ་བསོ་ནམས་ཆོས་སྐྱིད་ ༢ ལུ་ སྲས་སྲོས་ ༥ ཡོདཔ་ཨིན་པའི་གནས་ཚུལ།