ན་ཡེ་ཇེ་རི་ཡ་ལུ་ ཀྲོབ་མདའ་འབག་མི་ སྡེ་ཚན་ཅིག་གིས་ སློབ་ཕྲུག་ཨ་ལོ་ ༢༨༧ དེ་ཅིག་བཙན་ཁྲིད།

སི་ཨེན་ཨེན་།
སྤྱི་ཟླ་ ༣ པའི་ཚེས་ ༨ ལུ་ ན་ཡེ་ཇེ་རི་ཡའི་ ནུབ་བྱང་མངའ་སྡེ་ ཀ་དུ་ན་ཟེར་སར་ སློབ་གྲྭ་ཅིག་ནང་ ཀྲོབ་མདའ་འབག་མི་ བཀྲ་མ་ཤིསཔ་ སྡེ་ཚན་ཅིག་གིས་ བཙན་འཛུལ་འབད་དེ་ ཨ་ལོ་སྐྱེས་ལོ་ ༨ འབད་མི་ཚུ་གིས་གཙོས་པའི་ ཨ་ལོ་ ༢༨༧ དེ་ཅིག་ བཙན་ཁྲིད་འབད་ནུག།
དེ་ཡང་ ན་ཡེ་ཇེ་རི་ཡའི་ ཁྲིམས་སྲུང་འགག་སྡེ་གིས་ བཤད་དོ་བཟུམ་འབད་བ་ཅིན་ གཡུས་ཚན་ཀུ་རི་ག་ཟེར་སར་ཡོད་མི་ ལི་ཡ་གཞི་རིམ་དང་ འབྲིང་རིམ་སློབ་གྲྭའི་ནང་ལས་ ཨ་ལོ་ ༣༠༠ ལྷགཔ་ཅིག་ འཛིན་བཟུང་འབད་མི་ཚུ་གི་གྲས་ལས་ ཨ་ལོ་ལ་ལོ་ཅིག་ ལོག་ལེན་ཚུགས་ཡོད་རུང་ ༢༨༧ དེ་ཅིག་ ལོག་ལེན་མ་ཚུགས་པར་ ལུས་ཡོདཔ་ཨིན་པས།
དེ་སྦེ་ བྱ་ངན་བརྩམས་མི་ཚུ་ སློབ་གྲྭ་དེ་ནང་ དྲོ་པའི་ཆུ་ཚོད་ ༨ དེ་ཅིག་ཁར་ བཙན་འཛུལ་འབད་དེ་ སློབ་ཕྲུག་ཚུ་ བཙན་ཁྲིད་འབད་བའི་ཁར་ ཁོང་གི་ལག་པར་ གཞི་རིམ་སློབ་ཕྲུག་ ༡༠༠ དང་ འབྲིང་རིམ་སློབ་ཕྲུག་ ༡༨༧ ཡོད་ལུགས་ཡང་ བཤདཔ་ཨིན་པས་ཟེརལ་ བཀོད་འདུག་པའི་གནས་ཚུལ།

Please follow and like us: