ཡུ་ཨེཛ་ལུ་ མི་སྡེ་བརྡ་བརྒྱུད་ ཊིག་ཊོག་བཀག་དམ་གྱི་ དཔྱད་ཡིག་ཆ་འཇོག།

རོའི་ཊརཛ།
ཡུ་ཨེཛ་གི་ ཚོགས་ཁང་ནང་ལས་ མི་སྡེ་བརྡ་བརྒྱུད་ ཊིག་ཊོག་དེ་ བཀག་དམ་འབད་ནི་གི དཔྱད་ཡིག་ཅིག་ ཆ་འཇོག་གྲུབཡོད་རུང་ དཔྱད་ཡིག་དེ་ ཆ་གནས་མ་སྤེལ་བའི་ཧེ་མར་ ཁྲིམས་བཟོ་ཚོགས་ཁང་ནང་ལས་ ཆ་འཇོག་འགྲུབ་དགོཔ་ཨིན་པས།
དེ་སྦེ་ ཁྲིམས་བཟོ་ཚོགས་ཁང་ནང་ལས་ཡང་ ཆ་འཇོག་འགྲུབ་པ་ཅིན་ ཊིག་ཊོག་གི་སྦྱིན་བདག་ རྒྱ་ནག་གི་ཚོང་སྡེ་ བཱ་ཡེཊ་ཌེནཛ་ཟེར་མི་ལུ་ ཡུ་ཨེཛ་ལུ་ཡོད་མི་ ཁོང་གི་བདོག་གཏད་ཚུ་ བཙོང་ནིའི་དོན་ལས་ ཟླ་ངོ་ ༦ གི་ དུས་ཡུན་བྱིན་ནི་ཨིན་པས།
དེ་བཟུམ་མའི་ དཔྱད་ཡིག་བཟོ་མི་དེ་ཡང་ བཱ་ཡེཊ་ཌེནཛ་ལས་སྡེ་དེ་ རྒྱ་ནག་གཞུང་གི་ མངའ་ཁོངས་ལུ་གཏོགས་པའི་ ཚ་གྱང་དང་ ཨ་མི་རི་ཀ་ལུ་ ཊིག་ཊོག་ལག་ལེན་འཐབ་མི་ མི་འབོར་ས་ཡ་ ༡༧༠ དེ་ཅིག་ལས་བསྡུ་མི་ གནད་སྡུད་ཚུ་དང་འཁྲིལཝ་ད་ རྒྱལ་ཡོངས་སྲུང་སྐྱོབ་ལུ་ ཉེན་ཁ་ཡོད་སྲིད་ནི་དེ་གིས་ ཆ་འཇོག་གྲུབ་ནུག།
དེ་འབདཝ་ད་ བཱ་ཡེཊ་ཌེནཛ་ལས་སྡེ་གིས་ ཁོང་གི་ལས་སྡེ་དེ་ རྒྱ་ནག་གཞུང་གི་ ཤན་ཞུགས་མེད་པའི་ རང་དབང་ཅན་གྱི་ ཚོང་སྡེ་ཅིག་ཨིནམ་སྦེ་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: