སྐྱབས་མགོན་ཏཱ་ལའི་བླ་མ་མཆོག་ལུ་ སངས་རྒྱས་ཀྱི་ རིང་བསྲེལ་བྱིན་ལྡན་ཚུ་ཕུལ་ཡོདཔ།

སྤྱི་ཟླ་ ༤ པའི་ཚེས་ ༤ ལུ་ བོད་ཆོས་ཀྱི་དབུ་ཁྲིད་དམ་པ་ སྐྱབས་མགོན་ཏཱ་ལའི་བླ་མ་རིན་པོ་ཆེ་ སྐུ་ཕྲེང་ ༡༤ པ་མཆོག་ལུ་ ཤྲཱི་ལངྐ་ལས་ ཆོས་ཕྱོགས་སྡེ་ཚན་ཅིག་གིས་ སངས་རྒྱས་ཀྱི་ རིང་བསྲེལ་བྱིན་ལྡན་ཚུ་ཕུལ་ནུག།
དེ་ཡང་ སྐྱབས་མགོན་རིན་པོ་ཆེ་མཆོག་གི་ ཡིག་ཚང་ལས་ བརྙན་ཐུང་ཅིག་ ཁྱབ་སྤེལ་འབད་མི་དང་འཁྲིལ་བ་ཅིན་ ཤྲཱི་ལངྐའི་ ཆོས་ཕྱོགས་སྡེ་ཚན་དེ་ རཱ་ཇ་གུ་རུ་ཤྲཱི་སུ་བུ་ཏི་ མ་ཧཱ་བི་ཧཱ་ར་ དགོན་སྡེའི་ནང་ལས་ བླམ་ཝཱཛ་ཀ་དུ་ཝེ་ མ་ཧིན་ད་ཝམ་ས་ ན་ཡ་ཀ་ ཐེ་རོ་དང་ ཤྲཱི་ལངྐ་ ནང་པའི་མི་སྡེ་ནང་ལས་ ཌོག་ཊར་ད་མེན་ཌ་ པོ་ར་གི་ཟེར་མི་གིས་ འགོ་ཁྲིད་འབད་དེ་ཡོདཔ་ཨིན་པས།
དེ་བཟུམ་མའི་ སངས་རྒྱས་ཀྱི་ རིང་བསྲེལ་ཚུ་ཡང་ དྷ་རམ་ས་ལ་ལུ་ སྐྱབས་མགོན་རིན་པོ་ཆེ་མཆོག་གི་ གཟིམ་ཅུང་ནང་སྦེ་ ཕུལ་བའི་སྐབས་ལུ་ སྲིད་སྐྱོང་སྤེན་པ་ཚེ་རིང་དང་ སྐྱབས་རྗེ་གླིང་རིན་པོ་ཆེ་གིས་ དབུ་གཙོས་པའི་ སྐུ་མགྲོན་ཚུ་གིས་ གྲལ་གཏོགས་མཛད་ནུག་ཟེར་ བཀོད་འདུག་པའི་གནས་ཚུལ།

Please follow and like us: