པ་ཀིཛ་ཏཱན་དང་ ཨཕ་གྷ་ནིཛ་ཏཱན་ལུ་ གློག་ཀེམ་དང་སྦྲགས་ཏེ་ ཆརཔ་ཤུགས་སྦེ་ རྐྱབ་ནི་དེ་གིས་ མི་གྲངས་བརྒྱ་ཕྲག་ལས་བཅད་མི་ཚུ་ལུ་ཤི་རྐྱེན།

ཨཱལ་ཇ་ཟི་ར།

པ་ཀིཛ་ཏཱན་དང་ ཨཕ་གྷ་ནིཛ་ཏཱན་གྱི་ རྒྱལ་ཁབ་ནང་ གློག་ཀེམ་དང་སྦྲགས་ཏེ་ ཆརཔ་ཤུགས་སྦེ་ རྐྱབ་ནི་དེ་གིས་ མི་གྲངས་བརྒྱ་ཕྲག་ལས་བཅད་མི་ཚུ་ལུ་ ཤི་རྐྱེན་བྱུང་ནུག།

དེ་ཡང་ སྤྱི་ཟླ་ ༤ པའི་ཚེས་ ༡༦ ལུ་ དབང་འཛིན་འགོ་དཔོན་ཚུ་གིས་ བཤད་དོ་བཟུམ་འབད་བ་ཅིན་ པ་ཀིཛ་ཏཱན་ལུ་ རླུང་འཚུབ་དང་ རླུང་ཆར་གྱིས་ མི་གྲངས་ ༥༠ དེ་ཅིག་ལུ་ ཤི་རྐྱེན་བྱུང་ཡོདཔ་མ་ཚད་ ཨཕ་གྷ་ནིཛ་ཏཱན་ལུ་ཡང་ དེ་བཟུམ་སྦེ་ མི་གྲངས་ ༥༠ དེ་ཅིག་ལུ་ ཤི་རྐྱེན་བྱུང་ནུག་ཟེར་ཨིན་པས།

དེ་སྦེ་ ཤི་རྐྱེན་བྱུང་མི་ཚུ་གི་གྲས་ལས་ མང་ཤོས་ར་ པ་ཀིཛ་ཏཱན་གྱི་ ནུབ་བྱང་མངའ་སྡེ་ ཁེ་བར་པཱག་ཊུང་ཝ་ཟེར་སར་ འདྲེ་ཆར་ལུ་བརྟེན་པའི་ ཆུ་རུད་དང་ ས་རུད་ཐོན་ཏེ་ སྡོད་ཁྱིམ་རམ་འགྱོ་བའི་ཁར་ ནགས་ཤིང་ཚུ་ཡང་ ར་འབལ་བཏང་ནི་དེ་གིས་ བྱུང་ཡོདཔ་སྦེ་བཀོད་ནུག།

དེ་ལས་ གཞན་ཡང་ ཆརཔ་དེ་གིས་ པཱན་ཇབ་མངའ་སྡེའི་ ནུབ་བྱང་ཁ་ཐུག་ལུ་ སྡོད་ཁྱིམ་ལེ་ཤ་ཅིག་ ཧྲམ་བཏང་ཡོདཔ་མ་ཚད་ མི་གྲངས་ ༢༡ དེ་ཅིག་ལུ་ཡང་ ཤི་རྐྱེན་བྱུང་ཡོདཔ་སྦེ་ མངའ་སྡེའི་རྐྱེན་ངན་འཛིན་སྐྱོང་དབང་འཛིན་ལས་ ངོ་ཚབ་ཅིག་གིས་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།