མ་ལེ་ཤི་ཡའི་ མཚོ་དམག་གནམ་གྲུ་ ཧེ་ལི་ཀོབ་ཊར་ ༢ ཀྱི་བར་ན་ཐུག་རྐྱེན།

རོའི་ཊརཛ།
སྤྱི་ཟླ་ ༤ པའི་ཚེས་ ༢༣ ལུ་ མ་ལེ་ཤི་ཡའི་ མཚོ་དམག་གནམ་གྲུ་ ཧེ་ལི་ཀོབ་ཊར་ ༢ རུ་སྒྲིག་འགྲེམ་སྟོན་གྱི་དོན་ལས་ མཐའ་སྦྱོང་འབདཝ་ད་ མཁའ་དབྱིངས་ལུ་ ཁ་ཐུག་རྐྱབ་སྟེ་ གནམ་གྲུའི་ལས་གཡོགཔ་ ༡༠ པོ་ག་ར་ལུ་ ཤི་རྐྱེན་བྱུང་ནུག།
དེ་ཡང་ དྲོ་པའི་ཆུ་ཚོད་ ༩.༣༢ དེ་ཅིག་ཁར་ ནུབ་ཕྱོགས་མངའ་སྡེ་ པེ་རག་ཟེར་སར་ཡོད་མི་ ལུ་མཱཏ་མཚོ་དམག་གཞི་སྒར་ལུ་ བྱུང་ཡོདཔ་ད་ རྐྱེན་ངན་དེ་ནང་ ཤི་རྐྱེན་བྱུང་མིའི་ ཕུངམོ་དེ་ཚུ་ག་ར་ ངོས་འཛིན་གྱི་དོན་ལས་ ལུ་མཱཏ་མཚོ་དམག་གཞི་སྒར་གྱི་ དམག་སྡེའི་སྨན་ཁང་ནང་ བཏང་ཡི་ཟེར་ མཚོ་དམག་གིས་ བཤདཔ་ཨིན་པས།
སྤྱི་ཟླ་ ༤ པའི་ཚེས་ ༢༧ ལུ་ རྒྱལ་འཛིན་མཚོ་དམག་དུས་སྟོན་ ཐེངས་ ༩༠ པ་ བརྩི་སྲུང་འབད་ནིའི་དོན་ལས་ མཚོ་གྲུ་དང་འབྲེལ་བའི་ ལག་ལེན་གནམ་གྲུ་ ཧེ་ལི་ཀོབ་ཊར་དང་ ཕེན་ནེ་དམག་སྡེའི་ གནམ་གྲུ་ཧེ་ལི་ཀོབ་ཊར་ ༢ མཐའ་སྦྱོང་འབད་བའི་སྐབས་ལུ་ ཐུག་རྐྱེན་བྱུང་ནུག།
རྐྱེན་ངན་དེ་ནང་ ཤི་རྐྱེན་བྱུང་མི་ཚུ་ག་ར་ སྐྱེས་ལོ་ ༤༠ མན་ཆད་འབད་མི་ཚུ་ཨིན་པས་ཟེར་ བཤད་ཡོདཔ་ད་ ག་དེ་སྦེ་ར་ཨིན་རུང་ ཐུག་རྐྱེན་དེ་གི་སྐོར་ལས་ དབྱེ་ཞིབ་ཚུ་འབད་དོ་ཡོདཔ་སྦེ་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: