ཨཱཛ་ཊེ་ལི་ཡའི་ རྒྱལ་ཁབ་ནང་ ཉ་རིགས་ཝཱེལ་ཟེར་མི་ ༢༦ ལུ་ཤི་རྐྱེན།

ཨཱལ་ཇ་ཟི་ར།
ཨཱཛ་ཊེ་ལི་ཡའི་ ནུབ་ཕྱོགས་ལུ་ རྒྱ་མཚོའི་མཐའ་མར་ ཉ་རིགས་ཝཱེལ་ ༡༦༠ དེ་ཅིག་ ཐོགས་ལུས་མི་ཚུ་གི་གྲས་ལས་ ལ་ལོ་ཅིག་ སྲོག་སྐྱབ་འབད་ཡོད་རུང་ ༢༦ ལུ་ ཤི་རྐྱེན་བྱུང་ཡོདཔ་ཨིན་པས།
དེ་ཡང་ སྤྱི་ཟླ་ ༤ པའི་ཚེས་ ༢༥ ལུ་ ཉ་རིགས་ཝཱེལ་ཚུ་ ཨཱཛ་ཊེ་ལི་ཡའི་ ནུབ་ཕྱོགས་མངའ་སྡེ་ པཱརཐ་གི་མཚོ་འགྲམ་ ཇོ་གར་ཕེ་བཱེ་ཟེར་སར་ མི་ཊར་ ༥༠༠ དེ་ཅིག་འབད་མི་ ཆུ་གཏིང་མེད་པའི་ རྒྱ་མཚོའི་ནང་ ཐོགས་ལུས་ཡོདཔ་ལས་ རི་དྭགས་ཉམས་སྲུང་སྡེ་ཚན་དང་ ས་གནས་ཀྱི་དབང་འཛིན་ དེ་ལས་ ཁས་བླངས་པ་ཚུ་གིས་ ཉ་དེ་ཚུ་ རྒྱ་མཚོའི་ནང་ བསྐྱལ་ཐབས་འབད་ནུག།
དེ་སྦེ་ ཤི་རྐྱེན་བྱུང་མི་ཉ་ཚུ་ མཚོ་འགྲམ་ལས་ གཞན་ཁར་མ་བསྐྱལ་བའི་ཧེ་མར་ ནད་བརྟག་ཚུ་འབད་དེ་ ཝཱེལ་ ༡༠༠ ལྷགཔ་ཅིག་ མཚོ་འགྲམ་ལས་ རྒྱ་མཚོ་གཏིང་ཡོད་སར་ བསྐྱལ་ཡོད་རུང་ ལོག་འོང་སྲིད་ནི་མས་ཟེར་ཨིན་པས།
དེ་ཡང་ དུས་ཡུན་ཆུ་ཚོད་དག་པ་རེའི་ནང་ ཝཱེལ་དེ་ཚུ་ ག་ཏེ་ར་ཡོདཔ་ཨིན་ནའི་སྐོར་ལས་ བལྟ་རྟོག་འབད་མི་ མཚོ་གྲུ་དང་ གནམ་གྲུ་ཚུ་ཡང་ བཙུགས་ཏེ་ཡོདཔ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: