ཨཱཛ་ཊེ་ལི་ཡར་ པེ་ལིཛ་ཊིན་ལུ་ རྒྱབ་སྐྱོར་འབད་མི་ཚུ་གིས་ ངོ་རྒོལ་འགྲེམ་སྟོན།

སི་ཨེན་ཨེན།
པེ་ལིཛ་ཊིན་ལུ་ རྒྱབ་སྐྱོར་འབད་མི་ཚུ་གིས་ ཨཱཛ་ཊེ་ལི་ཡ་ མེལ་བཱོན་གཙུག་ལག་སློབ་སྡེའི་ སྒྲིང་ཁྱིམ་ཅིག་ནང་འཛུལ་ཏེ་ ངོ་རྒོལ་འགྲེམ་སྟོན་འབདཝ་ལས་ སློབ་ཕྲུག་སྟོང་ཕྲག་ལས་བཅད་མི་ཚུ་ ཤེས་ཡོན་སྦྱང་ནི་ལུ་ བར་ཆད་བྱུང་ཡོདཔ་ཨིན་པས།
དེ་ཡང་ སྤྱི་ཟླ་ ༥ པའི་ཚེས་ ༡༦ ལུ་ གཙུག་ལག་སློབ་སྡེའི་ གཙོ་འཛིན་འོགམ་ མ་ཡེ་ཀེལ་ ཝེཛ་ལེ་གིས་ བརྙན་ཐུང་ཐོག་ལས་ བརྡ་དོན་ཁྱབ་སྤེལ་འབད་མིའི་ནང་ སློབ་ཕྲུག་ཚུ་ལུ་ ངོ་རྒོལ་འགྲེམ་སྟོན་འབད་ནི་གི་ རང་དབང་ཡོད་རུང་ ག་མནོཝ་འབད་ནི་ལུ་ མཚམས་ཚོད་ཡོད་ཟེར་བཤད་ནུག།
དེ་བཟུམ་སྦེ་ ཁྲི་འཛིན་འོགམ་གིས་ཡང་ སྒྲིང་ཁྱིམ་ནང་ ངོ་རྒོལ་འགྲེམ་སྟོན་འབད་མི་ཚུ་ སྒྲིང་ཁྱིམ་དེ་ནང་ལས་ འཐོན་མ་འགྱོ་བ་ཅིན་ ལཱ་ཁག་འོང་ནི་ཨིན་པའི་ ཉེན་བརྡ་ཡང་འབད་ཡོདཔ་ཨིན་པས།
ག་དེ་སྦེ་ར་ཨིན་རུང་ སྤྱི་ཟླ་ ༥ པའི་ཚེས་ ༡༦ ཚུན་ལུ་ ཆོས་ཚན་དུས་ཚོད་ཁག་ ༡༥༠ དེ་ཅིག་ མཚམས་འཇོག་འབད་དགོཔ་ ཐོན་ཡོདཔ་ལས་ གཙུག་ལག་སློབ་སྡེ་དེ་གི་ སློབ་ཕྲུག་དང་ ལེགས་སྦྱར་བ་ ༦,༠༠༠ དེ་ཅིག་ལུ་ སློབ་སྟོན་གྱི་ བར་ཆད་བྱུང་ནུག་ཟེར་ བཀོད་འདུག་པའི་གནས་ཚུལ།

Please follow and like us: