ཨཱཕ་གྷ་ནིཛ་ཏཱན་ལུ་ ཀྲོབ་མདའ་འབག་མི་ཚུ་གིས་ སི་པེན་གྱི་ བལྟ་བཤལཔ་ ༣ དམར་བསད།

རོའི་ཊརཛ།
སྤྱི་ཟླ་ ༥ པའི་ཚེས་ ༡༧ ལུ་ ཨཱཕ་གྷ་ནིཛ་ཏཱན་གྱི་ དབུས་ཕྱོགས་མངའ་སྡེ་ བམ་ཡཱན་ལུ་ ཀྲོབ་མདའ་འབག་མི་ཚུ་གིས་ སི་པེན་གྱི་ བལྟ་བཤལ་པ་ ༣ དམར་བསད་འབད་ནུག།
དེ་ཡང་ ཨཱཕ་གྷ་ནིཛ་ཏཱན་ ཏ་ལི་བཱན་གཞུང་གི་ ནང་སྲིད་ལྷན་ཁག་ལས་ མགྲིན་ཚབ་ཅིག་གིས་ བཤད་དོ་བཟུམ་འབད་བ་ཅིན་ ཀྲོབ་མདའ་འབག་ཚུ་གིས་ གནོད་འཚུབ་བཀལ་བའི་སྐབས་ལུ་ ཕྱི་ཁའི་བལྟ་བཤལཔ་ ༣ དང་ ཨཱཕ་གྷ་ནིཛ་ཏཱན་གྱི་ མི་ཁུངས་ ༡ ལུ་ ཤི་རྐྱེན་བྱུང་པའི་ཁར་ བལྟ་བཤལཔ་ ༤ དང་ ཨཱཕ་གྷན་ གྱི་ མི་ཁུངས་ ༣ ལུ་ཡང་ རྨ་སྐྱོན་བྱུང་ནུག་ཟེར་ཨིན་པས།
སི་པེན་གྱི་བློན་ཆེན་ པེ་ཌོ་སཱན་ཅེཛ་གིས་ མི་སྡེ་བརྡ་བརྒྱུད་ནང་ ཨཱཕ་གྷ་ནིཛ་ཏཱན་ལུ་ སི་པེན་གྱི་ བལྟ་བཤལ་པ་ཚུ་ རྐུ་གསོད་རྐྱབ་སྟེ་ དམར་བསད་འབད་མི་དེ་ རྣམ་རྟོག་ལང་སི་སི་ཅིག་ཨིན་པས་ཟེར་བཀོད་ནུག།
དེ་བཟུམ་མའི་ བྱ་ངན་འབད་མི་དེ་ གནད་དོན་ག་ཅི་ལུ་བརྟེན་ཏེ་ཨིན་ན་ གསལ་ཏོག་ཏོ་སྦེ་ ཧ་གོ་མ་ཚུགསཔ་ད་ དེ་བསྒང་ བྱ་ངན་འབད་མི་ ༣ ཡང་ འཛིན་བཟུང་འབད་ནུག་ཟེར་ བཀོད་འདུག་པའི་གནས་ཚུལ།

Please follow and like us: