ཡུ་རོབ་རྒྱལ་ཁབ་ཚོགས་པ་གིས་ ར་ཤི་ཡའི་ དངུལ་སྐྱེད་ཚུ་ ཡུ་ཀེ་རེན་ལུ་ བྱིན་ནི་གི་གྲོས་ཆོད།

ཨཱལ་ཇ་ཟི་ར།
ཡུ་རོབ་རྒྱལ་ཁབ་ཚོགས་པ་གིས་ འདས་པའི་བདུན་ཕྲག་ནང་ ཁོང་གི་རྒྱལ་ཁབ་ནང་ཡོད་མི་ ར་ཤི་ཡའི་ དངུལ་ཁང་རྩིས་ཁྲ་ཚུ་ནང་ ཌོ་ལར་ཐེར་འབུམ་ བརྒྱ་ཕྲག་སྦེ་ཡོད་མི་ཚུ་གི་ དངུལ་སྐྱེད་ཚུ་ག་ར་ ཡུ་ཀེ་རེན་ལུ་ གཏང་ནི་སྦེ་ གྲོས་ཐག་བཅད་ཡོདཔ་ད་ རྩིས་ཁྲ་དེ་ཚུའི་ཐེད་ཁར་ ད་ལྟོ་ གཏན་འཁེལ་མ་བཟོ་བར་ཡོདཔ་ཨིན་པས།
དེ་ཡང་ ཡུ་རོབ་རྒྱལ་ཁབ་ཚོགས་པའི་ རྒྱལ་ཁབ་ཚུ་ནང་ ཡུ་རོ་ཐེར་འབུམ་ ༢༡༠ དེ་ཅིག་ཡོད་མི་ཚུ་ ར་ཤི་ཡ་དང་ དམག་འཁྲུག་གི་དོན་ལས་ སྤྱོད་དགོཔ་སྦེ་ སླབ་ཡོདཔ་ད་ ཡུ་རོབ་འཐུས་མི་རྒྱལ་ཁབ་ཚུ་ནང་ཡོད་མི་ ར་ཤི་ཡའི་ དངུལ་ཁང་རྩིས་ཁྲ་ཚུ་ སྤྱི་ལོ་ ༢༠༢༢ སྤྱི་ཟླ་ ༢ པའི་ནང་ལས་ བཀག་ཆ་འབད་དེ་བཞག་ནུག།
ར་ཤི་ཡའི་ དངུལ་ཁང་རྩིས་ཁྲ་ཚུ་ དེ་སྦེ་ བཀག་ཆ་འབད་དེ་ བཞག་པའི་ཤུལ་ལུ་ ད་ཚུན་གྱི་བར་ན་ སྤྱོད་ཐངས་ཀྱི་སྐོར་ལས་ གྲོས་ཐག་བཅད་མ་ཚུགས་པར་ ལུས་ཡོད་རུང་ ད་རེས་ ཡུ་ཀེ་རེན་ལུ་ བྱིན་ནི་སྦེ་ གྲོས་ཐག་བཅད་ཡོདཔ་ད་ དེ་ཡང་ སྐྱེད་རྐྱངམ་གཅིག་གིས་ར་ ལོ་བསྟར་བཞིན་དུ་ ཡུ་རོ་ཐེར་འབུམ་ ༢.༥ ལས་ ༣ གྱི་བར་ན་ འཐོནམ་ཨིན་པས།
གནད་དོན་དེ་གི་སྐོར་ལས་ རྒྱལ་སྤྱི་ཁྲིམས་དོན་མཁས་མཆོག་ཚུ་གིས་ཡང་ འོས་འབབ་ཡོདཔ་སྦེ་ བཤད་དོ་ཡོདཔ་ད་ ད་རེས་ དངུལ་སྐྱེད་ཚུ་ ཡུ་ཀེ་རེན་ལུ་ བྱིན་ནི་སྦེ་ གྲོས་ཐག་བཅད་མི་དེ་ ག་ནི་བ་ གལ་ཆེ་བའི་ གྲོས་ཆོད་ཅིག་ཨིནམ་སྦེ་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: