བྱང་ཀོ་རི་ཡ་གིས་ ལྷོ་ཀོ་རི་ཡ་ལུ་ ཕྱགས་སྙིགས་ཀྱི་ ལྒང་ཕུ་ཚུ་བཀྲམ་སྤེལ།

བི་བི་སི།
སྤྱི་ཟླ་ ༥ པའི་ཚེས་ ༢༩ ལུ་ བྱང་ཀོ་རི་ཡ་གིས་ ལྷོ་ཀོ་རི་ཡ་ལུ་ དཀྲོག་གཏམ་གྱི་ ཤོག་གུ་དང་ ཕྱགས་སྙིགས་བཀང་མི་ ལྒང་ཕུ་ཚུ་ བཀོག་དོ་ཡོདཔ་ད་ དེ་ཡང་ ལྷོ་ཀོ་རི་ཡའི་ ལྷོ་ཕྱོགས་མངའ་སྡེ་ ༢ ཀྱི་ནང་ བཀོག་ཡོདཔ་ལས་ ས་གནས་ཀྱི་ དབང་འཛིན་ཚུ་གིས་ མི་སེར་ཚུ་ལུ་ ཉེན་བརྡ་ཚུ་ སྤེལ་དགོཔ་བྱུང་ནུག།
ལྷོ་ཀོ་རི་ཡའི་ དམག་སྡེ་གིས་ མི་མང་ལུ་ ལྒང་ཕུ་དཀརཔོ་ཚུ་དང་ ཆུ་ཤོག་ཚུ་ནང་ ཕྱགས་སྙིགས་བཙོག་པ་ཚུ་ བཀང་སྟེ་ཡོདཔ་ལས་ ལགཔ་མ་དོག་ཟེར་ སླབ་ཡོདཔ་ད་ ལྒང་ཕུ་ཚུ་ཡང་ མངའ་སྡེ་ཇི་ཡོང་གི་དང་ གང་ཝོན་ལུ་ ཆགས་ཏེ་ཡོདཔ་ལས་ འབྲེལ་ཡོད་དབང་འཛིན་ཚུ་གིས་ བརྟག་དཔྱད་འབདཝ་ཨིན་པས།
མ་གཞི་ སྤྱི་ལོ་ ༡༩༥༠ ང་གྲངས་ལུ་ ཀོ་རི་ཡའི་ ཕྱད་མདའ་སྐབས་ལས་ཚུར་ ལྷོ་ཀོ་རི་ཡ་དང་ བྱང་ཀོ་རི་ཡ་གཉིས་ཆ་གིས་ར་ དཀྲོགས་གཏམ་ཁྱབ་སྤེལ་གྱི་དོན་ལས་ ལྒང་ཕུ་ཚུ་ ལག་ལེན་འཐབ་ནི་ འགོ་བཙུགས་ནུག།
འཕྲལ་ཁམས་ཅིག་ཁར་ ལྷོ་ཀོ་རི་ཡའི་ སྲིད་དོན་ནང་ བརྩོན་ཤུགས་བསྐྱེད་མི་ཚུ་གིས་ ས་མཚམས་ཀྱི་ ས་ཁོངས་ཚུ་ནང་ དཀྲོག་གཏམ་གྱི་ ཤོག་གུ་དང་ ཕྱགས་སྙིགས་ཚུ་ བཀོག་ཡོདཔ་ལས་ བྱང་ཀོ་རི་ཡ་གིས་ཡང་ ངན་ལན་སྦེ་ དཀྲོག་གཏམ་དང་ ཕྱགས་སྙིགས་བཀང་མི་ ལྒང་ཕུ་ཚུ་ ལྷོ་ཀོ་རི་ཡའི་ ས་ཁོངས་ནང་ བཀོག་ནུག་ཟེར་ བཀོད་འདུག་པའི་གནས་ཚུལ།

Please follow and like us: