ཡུ་ཀེ་ལུ་ འགོ་འདྲེན་འཐབ་ནི་ཨིན་མི་ བཙག་འཐུའི་སྐོར་ལས་ བསམ་འཆར་བསྡུ་ལེན།

རོའི་ཊརཛ།
སྤྱི་ཟླ་ ༧ པའི་ཚེས་ ༤ ལུ་ ཡུ་ཀེ་རྒྱལ་ཁབ་ནང་ འགོ་འདྲེན་འཐབ་ནི་ཨིན་མི་ རྒྱལ་ཡོངས་བཙག་འཐུའི་སྐོར་ལས་ བསམ་འཆར་བསྡུ་ལེན་འབད་མི་དང་འཁྲིལཝ་ད་ བློན་ཆེན་རི་ཤི་སུ་ནག་གི་ སྲིད་དོན་ཚོགས་པ་ ཀཱན་སར་ཝེ་ཊིབ་ལས་ ན་ཡེ་ཇེལ་ཕ་ར་ཇེའི་ རི་ཕཱོམ་ཡུ་ཀེ་ སྲིད་དོན་ཚོགས་པ་ལུ་ རྒྱབ་སྐྱོར་མངམོ་ཡོད་པའི་ བརྡ་མཚོན་སྟོན་མས་ཟེར་ཨིན་པས།
དེ་ཡང་ རི་ཕཱོམ་ཡུ་ཀེ་ལུ་ རྒྱབ་སྐྱོར་གྱི་ཚད་གཞི་ བརྒྱ་ཆ་ ༡༩ དང་ ཀཱན་སར་བེ་ཊིབ་ལུ་ བརྒྱ་ཆ་ ༡༨ དེ་ལས་ ལྡོག་ཕྱོགས་ལེ་བཱར་སྲིད་ཚོགས་ལུ་ བརྒྱ་ཆ་ ༣༧ ཡོདཔ་སྦེ་ཐོན་ནུག།
བསམ་འཆར་དེ་ཡང་ རི་ཤི་སུ་ནག་གིས་ བསྐུལ་བསྒྲགས་ནང་ ལཱ་གཡོག་ནང་ཡོད་མི་ཚུ་གི་ཁྲལ་ ཌོ་ལར་ཐེར་འབུམ་ ༢༡.༧༠ དེ་ཅིག་ མར་ཕབ་འབད་ནི་ཨིནམ་སྦེ་ བཤད་པའི་ཤུལ་ལས་ སྤྱི་ཟླ་ ༦ པའི་ཚེས་ ༡༢ དང་ ༡༣ ལུ་ མི་གྲངས་ ༢,༢༡༡ དེ་ཅིག་ལས་ བསྡུ་ལེན་འབད་ཡོདཔ་ཨིན་པས།
ཡུ་ཀེ་དེ་ ཡུ་རོབ་རྒྱལ་ཁབ་ཚོགས་པའི་ནང་ལས་ ཕྱིར་བཏོན་འབད་ནི་དང་འབྲེལ་ཏེ་ མཐར་འཁྱོལ་ཅན་གྱི་ ལཱ་འབད་མི་ རི་ཕཱོམ་ཡུ་ཀེའི་འགོ་ཁྲིདཔ་ ན་ཡེ་ཇེལ་ཕ་ར་ཇེ་གིས་ བཙག་འཐུའི་ནང་ གྲལ་གཏོགས་འབད་ནུག་ཟེར་ བཀོད་འདུག་པའི་གནས་ཚུལ།

Please follow and like us: