གཞུང་གྲྭ་ཚང་དང་ རྒྱང་བསྒྲགས་ ༣ པའི་བར་ན་ མཉམ་འབྲེལ་འགན་ཡིག་གུ་ མཚན་རྟགས་བཀོད་ཡོདཔ།

གནམ་ལོ་ཤིང་འབྲུག་ལོ་ཟླཝ་ ༥ པའི་ཚེས་ ༢༡ སྤྱི་ཟླ་ ༦ པའི་ཚེས་ ༢༧ ལུ་ གཞུང་གྲྭ་ཚང་དང་ རྒྱང་བསྒྲགས་ ༣ པའི་བར་ན་ མཉམ་འབྲེལ་འགན་ཡིག་གུ་ མཚན་རྟགས་བཀོད་ནུག།

དེ་ཡང་ གཞུང་གྲྭ་ཚང་གི་ ཚོགས་ཀྱི་སློབ་དཔོན་མཆོག་ དབུ་བཞུགས་ཐོག་ལུ་ བཀོད་ཡོདཔ་ད་ དེ་བཟུམ་མའི་ མཚན་རྟགས་བཀོད་མི་དེ་ ད་ལས་ཕར་ ང་བཅས་རའི་ དཔལ་ལྡན་འབྲུག་པའི་ ཆོས་དང་ ལམ་སྲོལ་གྱི་ ལས་རིམ་ཚུ་བཟོ་སྟེ་ མི་དམངས་ལུ་ རྒྱང་བསྒྲགས་འབད་ནི་སྦེ་ཨིན་པས།

དེ་མ་ཚད་ མི་སྡེ་དང་ ན་གཞོན་སློབ་ཕྲུག་ཚུ་ལུ་ཕན་པའི་ ཤེས་ཡོན་གྱི་ ལས་རིམ་ཚུ་ཡང་བཟོ་སྟེ་ རྒྱང་བསྒྲགས་འབད་ནི་ཨིན་པའི་ གནས་ཚུལ་མདོར་བསྡུས།