ཕི་ལི་ཕིན་ལུ་ སྒྲིང་ཁྱིམ་ཅིག་ལུ་ མེ་རྐྱེན་བྱུང་སྟེ་ མི་གྲངས་ ༡༡ ལུ་ཤི་རྐྱེན།

རོའི་ཊརཛ།
སྤྱི་ཟླ་ ༨ པའི་ཚེས་ ༢ ལུ་ ཕི་ལི་ཕིན་གྱི་རྒྱལ་ས་ མ་ནི་ལ་ལུ་ཡོད་མི་ རྒྱ་ནག་ཁྲོམ་གྱི་ ས་ཁོངས་ནང་ ཐོག་ཚད་ ༥ འབད་མི་ སྡོད་ཁྱིམ་དང་ ཚོང་འབྲེལ་གྱི་ སྒྲིང་ཁྱིམ་ཅིག་ལུ་ མེ་རྐྱེན་བྱུངམ་ལས་ མི་གྲངས་ ༡༡ ལུ་ ཤི་རྐྱེན་བྱུང་ནུག།
མེ་རྐྱེན་དེ་ཡང་ མ་ནི་ལའི་ བི་ནོན་ཌོ་ རྫོང་ཁག་ནང་ དྲོ་པའི་ཆུ་ཚོད་ ༧.༣༠ དེ་ཅིག་ཁར་ ཉེན་བརྡ་འབད་དེ་ དུས་ཡུན་ཆུ་ཚོད་ ༣ དེ་ཅིག་གི་རྒྱབ་ལས་ མེ་རྐྱེན་བྱུང་ཡོདཔ་སྦེ་ མེ་རྐྱེན་འགོ་དཔོན་ཚུ་གིས་ བཤད་ཡོདཔ་ཨིན་པས།
མེ་རྐྱེན་དེ་ནང་ ཤི་རྐྱེན་བྱུང་མི་ཚུ་གི་གྲངས་སུ་ སྒྲིང་ཁྱིམ་གྱི་ ཇོ་བདག་གི་ ཨམ་སྲུ་ཡང་ཡོདཔ་ད་ དེ་སྦེ་ ཤི་རྐྱེན་བྱུང་མི་དེ་ ཡར་སེང་འགྱོ་ནི་བཟུམ་ཅིག་ཡོད་རུང་ ད་ལྟོ་ གཏན་འཁེལ་སྦེ་ སླབ་མི་ཤེས་པས་ཟེར་ འབྲེལ་ཡོད་དབང་འཛིན་གྱིས་ བཤདཔ་ཨིན་པས།
དེ་བཟུམ་སྦེ་ ན་ཧིང་ སྤྱི་ཟླ་ ༨ པའི་ནང་ སྡོད་ཁྱིམ་དང་ མཛོད་ཁང་ཚུ་ལུ་ མེ་རྐྱེན་བྱུང་སྟེ་ མི་གྲངས་ ༡༦ ལུ་ ཤི་རྐྱེན་བྱུང་ཡོདཔ་མ་ཚད་ སྤྱི་ཟླ་ ༥ པའི་ནང་ཡང་ རྒྱལ་སའི་ཡིག་ཚང་གཙོ་ཁང་གི་ སྒྲིང་ཁྱིམ་ནང་ མེ་རྐྱེན་སྦོམ་སྦེ་ར་ བྱུང་ནུག་ཟེར་ བཀོད་འདུག་པའི་གནས་ཚུལ།

Please follow and like us: