བང་ལ་དེཤ་གི་ ངོ་རྒོལ་འགྲེམ་སྟོན་ནང་ ཨ་ལོ་ཆུང་ཀུ་ ལེ་ཤ་་ཅིག་ལུ་ཤི་རྐྱེན།

བི་བི་སི།
བང་ལ་དེཤ་ལུ་ འདས་པའི་ཟླཝ་ནང་ སློབ་ཕྲུག་ཚུ་གིས་ གཞུང་གཡོག་སྐལ་བགོའི་ ལམ་ལུགས་ཀྱི་ རྒྱབ་འགལ་ལུ་ ངོ་རྒོལ་འགྲེམ་སྟོན་འབདཝ་ད་ ཨ་ལོ་ཆུང་ཀུ་ ༣༢ ལུ་ ཤི་རྐྱེན་བྱུང་ཡོདཔ་ད་ དེ་ཡང་ འཛམ་གླིང་ཨ་ལོའི་མ་དངུལ་གྱི མགྲིན་ཚབ་ཅིག་གིས་ བཤད་དོ་བཟུམ་འབད་བ་ཅིན་ ཨ་ལོ་ཆུང་ཤོས་ར་ སྐྱེས་ལོ་ ༥ འོག་རྒྱུ་འབད་མི་ཅིག་ལུ་ ཤི་རྐྱེན་བྱུང་ནུག་ཟེར་ཨིན་པས།
དེ་སྦེ་ ཤི་རྐྱེན་བྱུང་མི་ཚུ་ཡང་ མང་ཤོས་ར་ ཟུར་ཁ་ལས་ ལྟདམོ་བལྟ་སྡོད་མི་ཚུ་ཨིནམ་ད་ ངོ་རྒོལ་འགྲེམ་སྟོན་དེ་ནང་ མི་གྲངས་བསྡོམས་ ༢༠༠ ལྷགཔ་ཅིག་ལུ་ ཤི་རྐྱེན་བྱུང་ནུག།
དེ་བཟུམ་མའི་ ངོ་རྒོལ་འགྲེམ་སྟོན་འབད་བའི་ཤུལ་ལས་ བང་ལ་དེཤ་ མངོན་མཐོ་ཁྲིམས་འདུན་གྱི་ འཁྲུན་ཆོད་དང་འཁྲིལ་ཏེ་ གཞུང་གི་ཁ་ཐུག་ལས་ གཞུང་གཡོག་གི་ སྐལ་བགོའི་གྲངས་ཚད་ མར་ཕབ་འབད་ཡོད་རུང་ ངོ་རྒོལ་འབད་མི་ཚུ་གིས་ ཤི་རྐྱེན་བྱུང་མི་དང་ རྨ་སྐྱོན་བྱུང་མི་ཚུ་གི་དོན་ལུ་ དྲང་ཁྲིམས་དགོ་པའི་སྐོར་ལས་ ད་རེས་ཡང་ འཕྲོ་མཐུད་དེ་ར་ ངོ་རྒོལ་འགྲེམ་སྟོན་འབད་དོ་ཡོདཔ་ཨིན་པས།
མ་གཞི་ ངོ་རྒོལ་འགྲེམ་སྟོན་དེ་ ད་རེས་ མར་འབབ་སོང་སྟེ་ཡོད་རུང་ འགོ་ཐོག་སྐབས་ལུ་ ངོ་རྒོལ་འགྲེམ་སྟོན་གྱི་ གདོང་ལན་ལུ་བརྟེན་ཏེ་ གཞུང་གི་ལཱ་ལུ་ དཀའ་ངལ་ཚུ་ཐོན་ནུག་ཟེར་ བཀོད་འདུག་པའི་གནས་ཚུལ།

Please follow and like us: