རྒྱལ་གཞུང་འགག་སྡེ་གིས་ ཕྱི་མི་སྐྱེལ་འདྲེན་འབད་མི་ གླ་འཁོར་ ༢ འཛིན་བཟུང་།

སྤྱི་ཟླ་ ༨ པའི་ཚེས་ ༨ ཀྱི་དྲོ་པར་ རྒྱལ་གཞུང་འབྲུག་གི་འགག་སྡེ་གིས་ བུམ་པ་སྒང་ གཅིག་སྒྲིལ་ཞིབ་དཔྱད་སྒོ་ར་ལས་ ཕྱི་མི་ནང་བསྐྱོད་ཀྱི་ བྱ་སྒོ་ཚུ་ལས་འགལ་ཏེ་ རྒྱ་གར་གྱི་ ལས་མི་ ༥ ཕྱི་ཁར་སྐྱེལ་འདྲེན་འབད་མི་ འབྲུག་པའི་གླ་འཁོར་ ༢ འཛིན་བཟུང་འབད་ནུག།

དེ་ཡང་ ལས་མི་ཚུ་ ཡོངས་འབྲེལ་ཐོག་ལས་ ཐོ་བཀོད་མ་འབད་བར་ སྦ་གསང་ཐོག་ལུ་ གླ་འཁོར་གྱི་རྒྱབ་ཁར་ དོ་ཆས་ས་སྟོང་ནང་ བཙུགས་ཏེ་ཡོདཔ་ཨིན་པས།

ཕྱི་མི་ནང་བསྐྱོད་ལས་ཁུངས་དང་གཅིག་ཁར་ ལག་ལེན་འཕྲོ་མཐུད་དང་ དེད་གཡོགཔ་ ༢ ལུ་ བཙན་ཁྲིད་ཀྱི་ ཉེས་འཛུགས་འབད་ནིའི་དོན་ལས་ གཅིག་སྒྲིལ་ཞིབ་དཔྱད་སྒོ་རའི་ ཁ་ཐུག་ལས་ ལས་མི་དེ་ཚུ་ གླ་འཁོར་གྱི་ དེད་གཡོགཔ་ ༢ དང་སྦྲགས་ཏེ་ རྩི་མ་གཤམ་གྱི་ རྒྱལ་གཞུང་འགག་སྡེ་ལུ་ རྩིས་སྤྲོད་ཡོད་པའི་གནས་ཚུལ།