ཀོང་གོའི་བཙོན་པ་ཚུ་ བཙོན་ཁང་ནང་ལས་ བྱོག་འགྱོཝ་ད་ མི་གྲངས་ ༡༢༩ ལུ་ཤི་རྐྱེན།

སི་ཨེན་ཨེན།
སྤྱི་ཟླ་ ༩ པའི་ཚེས་ ༣ ལུ་ དྲོ་པའི་ཆུ་ཚོད་ ༢ དེ་ཅིག་ཁར་ ཨ་ཕི་རི་ཀའི་རྒྱལ་ཁབ་ ཀོང་གོའི་བཙོན་ཁང་སྦོམ་ཤོས་ཀྱི་ནང་ལས་ བཙོན་པ་ལེ་ཤ་ཅིག་ བྱོག་འགྱོཝ་ད་ མི་གྲངས་ ༡༢༩ དེ་་ཅིག་ལུ་ ཤི་རྐྱེན་བྱུང་ནུག།
དེ་ཡང་ ནང་སྲིད་བློན་པོ་ ཞེག་མེན་ ཤ་བ་ནི་ལུ་ཀུ་ བི་ཧང་གོ་གིས་ བཤད་དོ་བཟུམ་འབད་བ་ཅིན་ མི་གྲངས་ ༡༢༩ ལུ་ ཤི་རྐྱེན་བྱུང་མིའི་གྲས་ལས་ མི་ ༢༤ པོ་དེ་ ཀྲོབ་མདའ་ཕོག་སྟེ་ ཤི་རྐྱེན་བྱུང་ཡོདཔ་ད་ གཞན་མི་མང་ཤོས་ཅིག་ར་ ཨེབ་ཤུགས་ལུ་བརྟེན་ཏེ་ ཤི་རྐྱེན་བྱུང་ནུག་ཟེར་ཨིན་པས།
མ་ཀ་ལ་ བཙོན་ཁང་ནང་ བཙོན་པ་ ༡,༥༠༠ བཞག་སའི་ ས་གོ་ལས་མེད་རུང་ རྩོད་བཤེར་འགོ་བཙུགས་ནི་སྦེ་ བསྒུགས་བཞག་མི་ བཙོན་པ་ཚུ་དང་བསྡོམས་ཏེ་ བཙོན་པ་ ༡༢,༠༠༠ ལྷགཔ་ཅིག་ཡོདཔ་ལས་ བཙོན་ཁང་གི་ གནས་སྟངས་དེ་ ག་ནི་བ་ སྐྱོ་སི་སི་ཅིག་ལུ་ གྱུར་སོང་ནུག།
ཀོང་གོའི་རྒྱལ་ཁབ་ལུ འཕྲལ་ཁམས་ཀྱི་ལོ་ཚུ་ནང་ བཙོན་ཁང་ཚུ་གི་ནང་ལས་ བཙོན་པ་ཚུ་ བྱོག་འགྱོ་ནི་དང་ བཙོན་ཁང་ཚུ་ལུ་ གནོདཔ་བཀལ་ནི་གི་ ལཱ་ཚུ་ འབདཝ་འབད་སར་ཡོདཔ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: