རྒྱ་པཱན་ལུ་ ལྷ་ཁང་ཚུ་གི་ ཚོང་འབྲེལ་ཡར་སེང་།

རོའི་ཊརཛ།
རྒྱ་པཱན་ལུ་ མི་རློབས་ཉུང་སུ་ ཐལ་མི་དང་གཅིག་ཁར་ ཆོས་ཕྱོགས་ལུ་ དད་པ་ཡོད་མི་ཡང་ ཉུང་སུ་ཐལ་དོ་ཡོདཔ་ལས་ ལྷ་ཁང་དགོན་སྡེ་ཚུ་ རྒྱུན་སྐྱོང་འཐབ་མ་ཚུགས་པའི་ གནད་ལུ་བརྟེན་ཏེ་ ཚོང་སྒྱུར་འཐབ་དོ་ཡོདཔ་ཨིན་པས།
དེ་སྦེ་ ཚོང་སྒྱུར་འཐབ་མི་དེ་གིས་ རྒྱ་པཱན་གྱི་ དབང་འཛིན་ཚུ་ལུ་ ལྷ་ཁང་དགོན་སྡེ་ཚུ་ དད་པ་མེད་མི་ཚུ་གི་ ལག་པར་ཚུད་པའི་ ཚ་གྱང་ཡོདཔ་མ་ཚད་ ལྷ་ཁང་དགོན་སྡེ་ ཉོ་མི་ཚུ་ཡང་ མང་ཤོས་ཅིག་ར་ ཁྲལ་ལས་ཟུར་ཐབས་དང་ དངུལ་ཟོལ་གྱི་ དབང་ལུ་ཐལ་བའི་ དོགས་པ་ཆགསཔ་ཨིན་པས།
སྐྱེས་ལོ་ ༥༢ འབད་མི་ སུ་ཟུ་ཀི་གིས་ ཆོས་ཕྱོགས་ཀྱི་ གནས་རིམ་ནང་ རིན་གོང་སྦོམ་སུ་ཡོད་རུང་ ལྷ་ཁང་དགོན་སྡེ་ཉོ་མི་ ལེ་ཤ་ཅིག་ ཐོན་པའི་ནང་ལས་ཡང་ ལྷག་པར་དུ་ ལྷ་ཁང་རྙིངམ་ཚུ་གིས་ རིན་གོང་སྦོམ་ ཐོབ་དོ་ཡོདཔ་སྦེ་བཤད་ནུག།
རྒྱ་པཱན་གྱི་ ལམ་སྲོལ་ལས་སྡེའི་ འགོ་དཔོན་ཅིག་གིས་ དེ་བཟུམ་མའི་ གནས་སྟངས་དེ་ ལས་སྡེ་ཁོང་ར་དང་ ཆོས་སྡེ་ཚུ་ལུ་ དཀའ་ངལ་ཅན་གྱི་ གནས་སྟངས་ཅིག་ཨིནམ་སྦེ་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: