རྒྱ་པཱན་ལུ་ ཤི་གེ་རུ་ ཨི་ཤི་བ་དེ་ བློན་ཆེན་གསརཔ་སྦེ་གདམ་འཐུ།

རོའི་ཊརཛ།
སྤྱི་ཟླ་ ༩ པའི་ཚེས་ ༢༧ ལུ་ སྐྱེས་ལོ་ ༦༧ འབད་མི་ རྒྱ་པཱན་གྱི་ སྲུང་སྐྱོབ་བློན་པོ་བགྲེསཔ་ ཤི་གེ་རུ་ ཨི་ཤི་བ་དེ་ རྒྱ་པཱན་གྱི་ བློན་ཆེན་གསརཔ་སྦེ་ གདམ་འཐུ་འབད་ཡོདཔ་ཨིན་པས།
ལི་བ་རཱལ་ ཌེ་མོ་ཀེར་ཊིག་ སྲིད་ཚོགས་ནང་ལས་ འགོ་ཁྲིད་ཀྱི་དོན་ལུ་ དོ་འགྲན་འབད་མི་ ༩ ཐོན་ཡོད་རུང་ ཤི་གེ་རུ་དེ་ གདམ་འཐུ་གྲུབ་ནུག།
བློན་ཆེན་གསརཔ་གིས་ དཔལ་འབྱོར་བསྐྱར་གསོ་དང་ སྟོབས་ཤུགས་ཅན་གྱི་ ཁྱིམ་མཚེས་རྒྱལ་ཁབ་ཚུ་ལས་ སྲུང་སྐྱོབ་ཀྱི་ ཉེན་ཁ་མེདཔ་ བཟོ་ནི་ཨིནམ་སྦེ་ བཤད་ཡོདཔ་ཨིན་པས།
དེ་མ་ཚད་ འཕྲལ་ཁམས་ཅིག་ཁར་ ར་ཤི་ཡ་དང་ རྒྱ་ནག་གིས་ རྒྱ་པཱན་གྱི་ ས་ཁོངས་ཚུ་ནང་ ཚུལ་མིན་གྱི་སྒོ་ལས་ འཛུལ་ཞུགས་འབད་མི་དང་ བྱང་ཀོ་རི་ཡ་གིས་ རྡུལ་ཕྲན་མཚོན་ཆ་ཚུ་ ཡང་བསྐྱར་བརྟག་དཔྱད་འབད་དོ་ཡོདཔ་ལས་ རྒྱ་པཱན་གྱི་ སྲུང་སྐྱོབ་དེ་ རྒྱ་སྐྱེད་གཏང་དགོཔ་ཡོདཔ་སྦེ་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: