ཡུ་ཨེཛ་གི་ སྲིད་འཛིན་བཙག་འཐུའི་ གནས་སྟངས་དུས་མཐུན།

བི་བི་སི།
སྤྱི་ཟླ་ ༡༡ པའི་ཚེས་ ༥ ལུ་ འགོ་འདྲེན་འཐབ་ནི་ཨིན་མི་ ཡུ་ཨེཛ་གི་ སྲིད་འཛིན་བཙུག་འཐུ་དེ་ རྒྱལ་ཡོངས་གནས་རིམ་ནང་ རྒྱབ་སྐྱོར་གྲངས་རྩིས་དང་འཁྲིལ་བ་ཅིན་ ཨམ་ཀ་མ་ལ་ ཧ་རིཛ་དང་ ཌོ་ནཱལ་ཊཱམ་གྱིས་ བསྐུལ་བསྒྲགས་འགོ་བཙུགསཔ་ད་ ཨམ་ཀ་མ་ལ་ལུ་ རྒྱབ་སྐྱོར་མང་སུ་ཡོད་མི་དེ་ ད་རེས་ཡང་ འགྱུར་བ་སྦོམ་ ག་ནི་ཡང་ མེད་མི་དེ་ཡང་ ཨམ་ཀ་མ་ལ་ལུ་ རྒྱབ་སྐྱོར་བརྒྱ་ཆ་ ༤༩ དང་ ཊཱམ་ལུ་ རྒྱབ་སྐྱོར་བརྒྱ་ཆ་ ༤༦ སྦེ་ར་ གནས་ཏེ་ཡོདཔ་ཨིན་པས།
ཨམ་ཀ་མ་ལ་གིས་ བསྐུལ་བསྒྲགས་འགོ་བཙུགས་ཏེ་ བདུན་ཕྲག་དག་པ་ཅིག་ནང་ རྒྱབ་སྐྱོར་ཡར་སེང་ཐོན་མི་དེ་ སྤྱི་ཟླ་ ༩ པའི་ནང་ འདེམས་ངོ་ ༢ ཀྱི་བར་ན་ རྩོད་འགྲན་འབད་བའི་ཤུལ་ལས་ འགྱུར་བ་ག་ནི་ཡང་ ཐོན་མ་ཚུགས་པར་ཡོདཔ་ཨིན་པས།
རྒྱལ་ཡོངས་ཀྱི་ སྤྱིར་བཏང་རྒྱབ་སྐྱོར་དེ་ ག་དེ་སྦེ་ཨིན་རུང་ མཐར་ཐུག་ལུ་ ཀོ་ལེཇ་སིཛ་ཊམ་ཟེར་ མངའ་སྡེ་རང་སོའི་ མི་རློབས་དང་བསྟུན་ཏེ་ ཚོགས་རྒྱན་བསྡོམས་ ༥༣༨ ཆེད་དུ་བཀོད་དེ་ བྱིན་སྲོལ་ཡོད་མི་དེ་ནང་ ཚོགས་རྒྱན་ཉུང་ཤོས་ ༢༧༠ མ་འཐོབ་པ་ཅིན་ སྤྱིར་བཏང་ལུ་ ཚོགས་རྒྱན་མངམོ་ཐོབ་རུང་ རྒྱལ་ཁ་མི་འཐོབ་དོ་ཡོདཔ་ཨིན་པས།
ཡུ་ཨེཛ་ལུ་ མངའ་སྡེ་ ༥༠ ཡོད་མིའི་ནང་ལས་ དོ་འགྲན་མང་ཤོས་འབད་དགོ་པའི་ མངའ་ ༧ ཡོད་མི་ཚུ་ནང་ ད་རེས་ སྲིད་འཛིན་གྱི་འདེམས་ངོ་ ༢ ཆ་ར་ལུ་ རྒྱབ་སྐྱོར་འདྲ་སུ་སྦེ་ར་ཡོདཔ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: