མི་སྡེ་ལྟེ་བ་ ལག་ལེན་པ་ཚུ་གི་དོན་ལུ་ ལྕོགས་གྲུབ་གོང་འཕེལ་ལས་རིམ།

དཔལ་འབྱོར་ལྷན་ཐབས་ འཆར་གཞི་ཡིག་ཚང་གིས་ དངུལ་འབྲེལ་གཙུག་སྡེ་ཚུ་དང་ རྒྱལ་གཞུང་དངུལ་ལས་དབང་འཛིན་དང་ མཉམ་འབྲེལ་ཐོག་ལས་ མི་སྡེ་ལྟེ་བ་ ལག་ལེན་པ་ཚུ་གི་དོན་ལུ་ ཉིན་གྲངས་ ༣ གྱི་ ལྕོགས་གྲུབ་གོང་འཕེལ་གྱི་ སྦྱོང་བརྡར་ལས་རིམ་ཅིག་ འགོ་འདྲེན་འཐབ་ནུག།
དེ་ཡང་ མི་སྡེ་ལྟེ་བ་ ལག་ལེན་པ་ཚུ་གིས་ ས་གནས་ཁག་ལས་ སྐྱིན་འགྲུལ་ཞུ་མི་ཚུ་ལུ་ ཞུ་ཡིག་བཀོད་ཤོག་ཚུ་ བཀང་ནི་ལུ་ ཆ་རོགས་འབད་ནི་གི་དོན་ལུ་ཨིནམ་ད་ མི་སྡེའི་གནས་རིམ་ནང་ དཔལ་འབྱོར་ལྷན་ཐབས་འཆར་གཞིའི་འོག་ལས་ སྐྱིན་འགྲུལ་ཞུ་མི་ཚུ་གིས་ འགོ་ཐོག་བརྡ་དོན་དང་ གྲོགས་རམ་གྱི་དོན་ལུ་ མི་སྡེ་ལྟེ་བ་ ལག་ལེན་པ་ཚུ་དང་ འབྲེལ་བ་འཐབ་དགོཔ་ཨིན་པས།
སྤྱི་ཟླ་ ༡༠ པའི་ཚེས་ ༢༡ ལས་ ༢༣ ཚུན་ རྒྱལ་འཛིན་བལྟ་བཤལ་དང་ མགྲོན་སྐྱོང་སྤེལ་ཁང་ནང་སྦེ་ འགོ་འདྲེན་འཐབ་མི་ སྦྱོང་བརྡར་ལས་རིམ་དེ་གིས་ དཔལ་འབྱོར་ལྷན་ཐབས་འཆར་གཞིའི་འོག་ལས་ སྐྱིན་འགྲུལ་ཞུ་ནི་གི་ དང་འདོད་ཡོད་མི་ཚུ་ལུ་ ཁེ་ཕན་འབྱུང་ནི་ཨིན་པའི་གནས་ཚུལ།

Please follow and like us: