ཨཱཛ་ཊེ་ལི་ཡའི་ མངའ་སྡེ་ཚུ་གིས་ སྐྱེས་ལོ་ ༡༦ འོག་རྒྱུ་འབད་མི་ ན་ཆུང་ཚུ་གིས་ མི་སྡེ་བརྡ་བརྒྱུད་ ལག་ལེན་འཐབ་ནི་མེདཔ་ བཟོ་ནི་ལུ་རྒྱབ་སྐྱོར།

བི་བི་སི།
ཨཱཛ་ཊེ་ལི་ཡ་ལུ་ སྐྱེས་ལོ་ ༡༦ འོག་རྒྱུ་འབད་མི་ ན་ཆུང་ཚུ་གིས་ མི་སྡེ་བརྡ་བརྒྱུད་ཀྱི་ གྲོས་གནས་མང་ཤོས་ཅིག་ ལག་ལེན་འཐབ་ནི་མེདཔ་ བཟོ་ནི་གི་ འཆར་གཞི་བརྩམས་མི་ལུ་ མངའ་སྡེ་དང་ མངའ་ཁོངས་ཚུ་གིས་ཡང་ མགྲིན་དབྱངས་གཅིག་གི་སྒོ་ལས་ རྒྱབ་སྐྱོར་འབད་ནུག།
དེ་ཡང་ མངའ་ཁོངས་ ༨ ཀྱི་ འགོ་ཁྲིདཔ་ཚུ་དང་ བློན་ཆེན་ཨེན་ཐོ་ནི་ ཨཱལ་བ་ནིཛ་གི་བར་ན་ ཡོངས་འབྲེལ་ཐོག་ལུ་ ཞལ་འཛོམས་ཅིག་ འཚོགས་པའི་སྐབས་ལུ་ འཛམ་གླིང་ནང་ རྒྱལ་ཡོངས་ཀྱི་ ཐབས་ལམ་དང་པའི་གྲངས་སུ་ཚུད་མི་ མི་སྡེ་བརྡ་བརྒྱུད་ ཨེགཛ་དང་ ཊིག་ཊོག་ ཨིནཛ་ཊི་ག་རམ་ ཕེཛ་བུག་ཚུ་ ལག་ལེན་འཐབ་ནི་མེདཔ་ བཟོ་དགོ་པའི་ གྲོས་བསྟུན་འབད་ཡོདཔ་ཨིན་པས།
འཆར་གཞི་དེ་དང་འབྲེལ་བའི་ དཔྱད་ཡིག་དེ་ བདུན་ཕྲག་ ༢ ཀྱི་ ནང་འཁོད་ལུ་ སྤྱི་ཚོགས་ནང་ བཙུགས་ནི་ཨིན་རུང་ བཅའ་ཁྲིམསསྦེ་ ལོ་ངོ་ ༡ གི་ཤུལ་ལས་ ཁྱབ་སྤེལ་འབད་ནི་ཨིནམ་ལས་ མི་སྡེ་བརྡ་བརྒྱུད་ཀྱི་ གྲོས་གནས་ཚུ་གིས་ ལག་ལེན་ག་དེ་སྦེ་ འཐབ་ནི་ཨིན་ནའི་སྐོར་ལས་ ཐབས་ཤེས་ཚུ་ གཏོན་དགོ་ནི་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: