བྱང་ཀོ་རི་ཡའི་ སྲིད་འཛིན་གྱིས་ ར་ཤི་ཡ་ལུ་ ཡུ་ཀེ་རེན་ལས་ སྲུང་སྐྱོབ་ཀྱི་དབང་ཆ།

རོའི་ཊརཛ།
སྤྱི་ཟླ་ ༡༡ པའི་ཚེས་ ༣༠ ལུ་ བྱང་ཀོ་རི་ཡའི་སྲིད་འཛིན་ ཀིམ་ཇོང་ཨཱན་གྱིས་ ར་ཤི་ཡའི་ སྲུང་སྐྱོབ་བློན་པོ་ལུ་ གསུངས་དོ་བཟུམ་འབད་བ་ཅིན་ ཡུ་ཀེ་རེན་གྱིས་ རྒྱང་རིང་གོ་མཚོན་ཚུ་ ལག་ལེན་འཐབ་ནི་ཡོད་མི་དེ་ ཡུ་ཨེཛ་དམག་སྡེ་གིས་ ཐད་ཀར་དུ་ བར་འཛུལ་འབད་ནི་དེ་གིས་ཨིནམ་ལས་ ར་ཤི་ཡ་གིས་ རང་དབང་སྲུང་སྐྱོབ་ཀྱི་དོན་ལུ་ ཕྱད་མདའ་རྐྱབ་ནི་གི་ དབང་ཆ་ཡོད་ཟེར་ཨིན་པས།
དེ་ཡང་ བྱང་ཀོ་རི་ཡའི་ སྲིད་འཛིན་ཀིམ་དང་ ར་ཤི་ཡའི་ སྲུང་སྐྱོབ་བློན་པོ་ ཨེན་དེ་རེ་བེ་ལུ་སོབ་ ༢ མཇལ་ཕྲད་སྐབས་ལུ་ སྲིད་འཛིན་ཀིམ་གིས་ ཡུ་ཨེཛ་དང་ ནུབ་ཕྱོགས་རྒྱལ་ཁབ་ཚུ་གིས་ ཡུ་ཀེ་རེན་གྱི་ཁ་ཐུག་ལས་ རྒྱང་རིང་གོ་མཚོན་ཚུ་ ལག་ལེན་འཐབ་སྟེ་ ར་ཤི་ཡ་ལུ་ གནོད་འཚུབ་བཀལ་བཅུག་དོ་ཡོདཔ་ལས་ བྱ་ངན་འབད་མི་ཚུ་ལུ་ ར་ཤི་ཡ་གིས་ དགྲ་ལན་འཇལ་ཐབས་ཚུ་ ལག་ལེན་འཐབ་དགོ་ཟེར་གསུངས་ནུག།
དེ་མ་ཚད་ སྲིད་འཛིན་ཀིམ་གྱིས་ དུས་ཅི་ སྤྱི་ཟླ་ ༦ པའི་ནང་ རང་ཤི་ཡའི་སྲིད་འཛིན་ པུ་ཊིན་དང་གཅིག་ཁར་ མཉམ་འབྲེལ་གྱི་ ཆིངས་ཡིག་བཟོ་མིའི་ ཐབས་བྱུས་ཅན་གྱི་ མཉམ་འབྲེལ་དང་འཁྲིལ་ཏེ་ ར་ཤི་ཡའི་ དྲག་པོའི་ལས་དོན་གྱིས་མ་དོ་བར་ ལས་དོན་གཞན་ག་རའི་ནང་ མཐུན་ལམ་རྒྱ་སྐྱེད་གཏང་ནི་གི་ ཁས་ལེན་ཡང་འབད་ནུག་ཟེར་ བཀོད་འདུག་པའི་གནས་ཚུལ།

Please follow and like us: