མ་ཡན་མར་གྱི་ ནུབ་ཕྱོགས་ས་མཚམས་དེ་ ངོ་རྒོལ་དམག་སྡེ་གིས་བཙན་དབང་།

བི་བི་སི།
སྤྱི་ཟླ་ ༡༢ པའི་ཚེས་ ༡༣ ལུ་ མ་ཡན་མར་གྱི་ ནུབ་ཕྱོགས་ས་མཚམས་ཁར་ དྲག་པོའི་གཞུང་གི་ དབང་ཆ་འོག་ལུ་ཡོད་མི་ ས་ཁོངས་དེ་ ངོ་རྒོལ་དམག་སྡེ་གིས་ བཙན་དབང་འབད་ཡོདཔ་ད་ ས་མཚམས་དེ་ཡང་ བང་ལ་དེཤ་དང་གཅིག་ཁར་ མཐུད་སྦྲེལ་འབད་དེ་ཡོདཔ་ཨིན་པས།
ངོ་རྒོལ་དམག་མི་དང་ དྲག་པོའི་གཞུང་གི་ ས་སྲུང་དམག་མི་ཚུ་གི་བར་ན་ ས་གནས་དེ་ཁར་ ཕྱད་མདའ་ཚབས་ཆེན་སྦེ་ར་ ལངས་ཡོདཔ་ད་ དེ་བསྒང་ ངོ་རྒོལ་དམག་མི་ཚུ་གིས་ ཧེ་མ་ར་ ས་སྲུང་དམག་མི་ཚུ་གིས་ ཕམ་ཁ་བཟེད་དགོཔ་སྦེ་ བཤད་པའི་ཤུལ་ལས་ གོ་མཚོན་སྟོབས་དང་ རྫས་བམ་ དེ་ལས་ ཀྲོབ་མདའ་ཚུ་ ལག་ལེན་འཐབ་སྟེ་ གཞུང་གི་ས་སྲུང་དམག་མི་ གཡིབ་སྡོད་སའི་ སྒྲིང་ཁྱིམ་ཚུ་ མེདཔ་བཏང་ནུག།
ཕྱད་མདའ་དེ་ སྤྱི་ལོ་ ༢༠༢༡ ལུ་ དྲག་པོའི་དམག་སྡེ་གིས་ མ་ཡན་མར་གྱི་ སྲིད་གཞུང་བཙན་འཕྲོག་འསྐབས་ལུ་ ནང་འཁྲུག་ལངས་མི་ ཕྱད་མདའ་ཚུ་དང་ཕྱདཔ་ད་ ག་ནི་བ་ཡང་ ཚབས་ཆེན་ཅིག་ཨིན་པས།
ད་རེས་ དྲག་པོའི་གཞུང་གིས་ རྒྱལ་ཁབ་ཀྱི་ས་མཚམས་ ཀི་ལོ་མི་ཊར་ ༢༧༠ དེ་ཅིག་ ངོ་རྒོལ་དམག་སྡེ་ལུ་ ཤོར་མི་དེ་ ཨ་ར་ཀཱན་དམག་སྡེ་གིས་ མངའ་སྡེ་ཅིག་ དབང་ལུ་བསྡུ་ཚུགས་མི་ ངོ་རྒོལ་སྡེ་ཚན་དང་པ་ འོང་ནི་བཟུམ་ཅིག་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: