ཨིཛ་རེལ་གྱིས་ དྲག་བཅོམ་འབད་མིའི་ནང་ མི་ ༡༠ ལུ་ ཤི་རྐྱེན་དང་ ༡༢ ལུ་རྨ་སྐྱོན།

སི་ཨེན་ཨེན།
སྤྱི་ཟླ་ ༡༢ པའི་ཚེས་ ༢༦ ལུ་ ཨིཛ་རེལ་གྱིས་ དྲག་བཅོམ་འབད་མིའི་ནང་ མི་གྲངས་ ༡༠ ལུ་ ཤི་རྐྱེན་དང་ ༡༢ ལྷགཔ་ཅིག་ལུ་ རྨ་སྐྱོན་བྱུང་ཡོདཔ་སྦེ་ ག་ཟ་གསོ་བའི་དབང་འཛིན་ཚུ་གིས་ བཤད་ཡོདཔ་ཨིན་པས།
དེ་བཟུམ་སྦེ་ ག་ཟའི་ཁྲོམ་ཚོགས་ ཟེ་ཊཱོན་ཟེར་སར་ཡང་ ཨིཛ་རེལ་གྱིས་ མཁའ་དམག་གནམ་གྲུའི་ཐོག་ལས་ དྲག་བཅོམ་འབད་མིའི་ནང་ཡང་ མི་གྲངས་ ༥ ལུ་ ཤི་རྐྱེན་དང་ ༢༠ ལུ་ རྨ་སྐྱོན་བྱུང་ནུག།
དེ་མ་ཚད་ རྐྱེན་ངན་གཞན་ཅིག་གི་ནང་ཡང་ དབུས་ཕྱོགས་ག་ཟའི་ས་གནས་ ནུ་སེ་རེཊ་ཟེར་སར་ ཨཱལ་ཨའུ་ཌ་ སྨན་ཁང་གི་སྦོ་ལོགས་ཁར་ སྣུམ་འཁོར་ཐོགས་ཏེ་ལུས་མི་ བརྡ་བརྒྱུདཔ་ ༥ ཡང་ དམར་བསད་འབད་ཡོདཔ་ད་ བརྡ་བརྒྱུདཔ་དེ་ཚུ་ ཨཱལ་ཀཌཛ་ཨཱལ་ཡུམ་ཟེར་མི་ རྒྱང་མཐོང་ནང་ ལཱ་འབད་མི་ཚུ་ཨིན་པས།
པེ་ལིཛ་ཊིན་གྱི་ བརྡ་བརྒྱུད་དང་ ས་གནས་ཀྱི་ གནས་ཚུལ་བསྡུ་བཀོདཔ་ཚུ་གིས་ སྣུམ་འཁོར་དེ་ཁར་ བརྡ་བརྒྱུད་ཀྱི་ སྣུམ་འཁོར་ཟེར་ བྲིས་ཏེ་ཡོདཔ་སྦེ་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: