རྒྱ་གར་གྱི་མངའ་སྡེ་ ཏ་མིལ་ན་དུ་ལུ་ ཤེལ་གྱི་ཟམ་དང་པ།

ཨེན་ཌི་ཊི་ཝི།

རྒྱ་གར་གྱི་མངའ་སྡེ་ ཏ་མིལ་ན་དུ་ལུ་ རིང་ཚད་མི་ཊར་ ༧༧ དང་་རྒྱ་ཚད་མི་ཊར་ ༡༠ འབད་མི་ ཤེལ་གྱི་ཟམ་ཅིག་ བསྒྲུབས་ཡོདཔ་བཞིན་དུ་ ལམ་འགྲུལ་གྱི་དོན་ལས་ ཊ་མིལ་ན་དུ་མངའ་སྡེའི་ གཙོ་འཛིན་བློན་པོ་ ཨེམ་ཀེ་ ཨིཛ་ཊ་ལིན་གྱིས་ སྒོ་འབྱེད་འབད་ཡོདཔ་ཨིན་པས།

དེ་ཡང་ སྤྱི་ཟླ་ ༡༢ པའི་ཚེས་ ༣༡ ལུ་ སྒོ་འབྱེད་འབད་མི་ ཟམ་དེ་གིས་ ཝི་ཝིག་ཀ་ནཱན་ད་ རྗེས་དྲན་ས་ཁོངས་དང་ ཀ་ནི་ཡ་ཀུ་མ་རི་ ཁྲོམ་ཚོགས་ནང་ཡོད་མི་ ཐི་རུ་ཝ་ལུ་ཝར་ སྐུ་འདྲ་ ༢ མཐུད་སྦྲེལ་འབད་ནུག།

ཟམ་དེ་ཡང་ ལམ་འགྲུལཔ་ཚུ་གིས་ མཐོང་སྣང་མ་འདྲཝ་སྦེ་ མཐོང་ཚུགས་པའི་ བཟོ་བཀོད་འབད་ཡོདཔ་མ་ཚད་ ཟམ་གུ་ལས་ ལམ་འགྲུལ་འབདཝ་ད་ ཟམ་འོག་ལས་མར་འགྱོ་མི་ རྒྱ་མཚོའི་མཐོ་སྣང་ཚུ་ཡང་ ཧ་ལས་སི་སི་སྦེ་ མཐོང་ཚུགསཔ་ཨིན་པས།

རུ་པི་བྱེ་བ་ ༣༧ གནས་མི་ ལས་འགུལ་དེ་ ཊ་མིལ་ན་དུ་གཞུང་གིས་ ཁྲོམ་ཚོགས་ཀ་ནི་ཡ་ཀུ་མ་རི་ལུ་ བཟོ་བསྐྲུན་འབད་ཡོདཔ་ད་ སྒོ་འབྱེད་ཀྱི་སྐབས་ལུ་ གཙོ་འཛིན་བློན་པོ་དེ་ ཟམ་དེ་གུ་ལས་ཕར་ འགྲུལ་བསྐྱོད་འབད་ནུག་ཟེར་ བཀོད་འདུག་པའི་གནས་ཚུལ།