ཀ་ལི་ཕོར་ནི་ཡ་ལུ་ གནམ་གྲུ་ཆུང་ཀུ་ཅིག་ སྒྲིང་ཁྱིམ་ཅིག་གུ་ཐོགས་ཏེ་ ཐུག་རྐྱེན་བྱུང་མིའི་ནང་ མི་ ༢ ལུ་ཤི་རྐྱེན།

བི་བི་སི།
སྤྱི་ཟླ་ ༡ པའི་ཚེས་ ༢ ལུ་ ཀ་ལི་ཕོར་ནི་ཡའི་ ལྷོ་ཕྱོགས་ཁ་ཐུག་ལུ་ གནམ་གྲུ་ཆུང་ཀུ་ཅིག་ ཚོང་འབྲེལ་སྒྲིང་ཁྱིམ་ཅིག་གུ་ཐོགས་ཏེ་ ཐུག་རྐྱེན་བྱུང་ཡོདཔ་ལས་ མི་ ༢ ལུ་ ཤི་རྐྱེན་དང་ ༡༨ ལུ་ རྨ་སྐྱོན་བྱུང་ཡོདཔ་ཨིན་པས།
འཕྲུལ་ཨམ་གཅིག་འབད་མི་ གནམ་གྲུ་ཝན་ཨར་ཝི་༡༠ ཅན་མ་དེ་ ས་གནས་ཀྱི་ ཉིན་མའི་ཆུ་ཚོད་ ༢ དང་ སྐར་མ་ ༡༥ དེ་ཅིག་ཁར་ ཐུག་རྐྱེན་བྱུང་ཡོདཔ་སྦེ་ མཁའ་འགྲུལ་བདག་སྐྱོང་ལས་ བཤདཔ་ཨིན་རུང་ བྱུང་རྐྱེན་དེ་གི་སྐོར་ལས་ ཧ་གོ་མ་ཚུགས་པས་ཟེར་བཀོད་ནུག།
ཁྲིམས་སྲུང་འགག་སྡེ་གིས་ བཤད་དོ་བཟུམ་འབད་བ་ཅིན་ ས་གནས་དེ་ཁར་ སྒྲིང་ཁྱིམ་ཚུ་ སྟོངམ་བཏོན་པའི་བསྒང་ཡོདཔ་ལས་ མི་དེ་ཚུ་ གནམ་གྲུ་ཐུག་རྐྱེན་བྱུང་སའི་ ས་ཁོངས་ལས་ ཐག་རིང་སར་ སྡོད་དགོཔ་སྦེ་ སླབ་དོ་ཟེར་ཨིན་པས།
སྒྲིང་ཁྱིམ་དེ་ ཁང་ཆས་ཚུ་ བཟོ་བསྐྲུན་འབད་སའི་ བཟོ་གྲྭ་ཁང་ཅིག་ཨིནམ་ད་ ཐུག་རྐྱེན་དེ་ནང་ རྨ་སྐྱོན་བྱུང་མི་ཚུ་གི་གྲས་ལས་ མི་གྲངས་ ༡༢ དེ་ཅིག་ བཟོ་གྲྭ་ཁང་གི་ ལས་བྱེདཔ་ཚུ་ཨིན་པས་ཟེར་བཀོད་ནུག།
ས་གནས་ཀྱི་ གནས་ཚུལ་ལས་སྡེ་ཚུ་གིས་ ཁྲོམ་ལམ་བདའ་སྟེ་ སྒྲིང་ཁྱིམ་ཅིག་གི་ནང་ལས་ ཉེན་སྲུང་པར་ཆས་ཚུ་ ཐོ་བཀོད་འབད་བའི་སྐབས་ལུ་ མེ་རྐྱེན་བྱུང་ཡོདཔ་སྦེ་ མཐོང་ནུག་ཟེར་ བཤད་ཡོདཔ་ཨིན་པས།
གནམ་གྲུ་ཐུག་རྐྱེན་གྱི་ ས་ཁོངས་དེ་ ཌིཛ་ནེ་ལེན་ཟེར་ས་ལས་ ཀི་ལོ་མི་ཊར་ ༡༠ དེ་ཅིག་གི་ས་ཁར་ ཕཱུལ་ལར་ཊཱོན་ཁྲོམ་སྡེའི་ གནམ་ཐང་གི་ ཉེ་འདབས་ལུ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: