རྒྱ་པཱན་གྱི་ ཁྲིམས་སྲུང་འགག་སྡེ་གིས་ སྨྱོ་རྫས་ནག་ཚོང་འཐབ་པའི་ དོགས་པ་ལུ་བརྟེན་ཏེ་ ཀེ་ན་ཊའི་ མི་ཁུངས་ཅིག་འཛིན་བཟུང་།

ཨེ་བི་སི།
སྤྱི་ཟླ་ ༡ པའི་ཚེས་ ༣༡ ལུ་ རྒྱ་པཱན་གྱི་ ཁྲིམས་སྲུང་འགག་སྡེ་གིས་ ཡུ་ཨེཛ་ལས་ གྲུ་ཅིག་ནང་སྦེ་ བཟོ་གྲྭའི་འཕྲུལ་ཆས་ དོ་སྒྲོམ་སྦོམ་ཅིག་ནང་ སྨྱོ་རྫས་ག་རམ་བརྒྱ་ཕྲག་ལས་བཅད་དེ་ སྦ་གསང་ཐོག་ལུ་ འབག་འོང་པའི་ དོགས་པ་ལུ་བརྟེན་ཏེ་ ཀེ་ན་ཊའི་ མི་ཁུངས་ཅིག་ འཛིན་བཟུང་འབད་ནུག།
དེ་ཡང་ ཊོ་ཀི་ཡོ་ཁྲོམ་སྡེའི་ ཁྲིམས་སྲུང་འགག་སྡེ་གིས་ བཤད་དོ་བཟུམ་འབད་བ་ཅིན་ ཊོ་ཀི་ཡོའི་ ཉེ་འའདབས་ལུ་ སྐྱེས་ལོ་ ༣༨ འབད་མི་ ལས་སྡེའི་འགོ་དཔོན་ ཝིན་སེན་ཡཊ་ སམ་ཡེ་ཡུང་གིས་ སྤྱི་ཟླ་ ༡ པའི་ཚེས་ ༢༩ ལུ་ འཛིན་བཟུང་འབད་ནུག་ཟེར་ཨིན་པས།
དོགས་པ་ཅན་དེ་ལུ་ ཆ་རོགས་ཚུ་ཡོད་པའི་ ཡིད་ཆེས་ཡོདཔ་ལས་ འཕྲོ་མཐུད་དེ་ར་ ཞིབ་དཔྱད་འབད་བཞིན་དུ་ཡོད་རུང་ ད་ཚུན་གྱི་བར་ན་ བརྡ་དོན་ཁ་གསལ་ཅིག་ ཐོབ་མ་ཚུགས་པར་ཡོདཔ་སྦེ་ ཁྲིམས་སྲུང་འགག་སྡེ་གིས་ གསལ་བཤད་འབད་ནུག།
སྤྱི་ལོ་ ༢༠༢༣ སྤྱི་ཟླ་ ༡༢ པའི་ནང་ཡང་ ལོཛ་ཨེན་ཇི་ལེཛ་ལས་ བསྐྱལ་བཏང་མི་ འཕྲུལ་ཆས་སྦོམ་ཅིག་ནང་ ཁྲིམས་སྲུང་འགག་སྡེ་གིས་ སྨྱོ་རྫས་ཀེ་ཇི་ ༣༢༠ དེ་ཅིག་ ཀེ་ཇི་རེ་རེ་འབད་མི་ ཐུམ་སྒྲིལ་ ༣༢༡ གི་ནང་ བགོ་བཤའ་རྐྱབ་སྟེ་ བསྐྱལ་བཏང་ནུག་ཟེར་ཨིན་པས།
སྨྱོ་རྫས་དེ་ལུ་ རྒྱ་པཱན་གྱི་ཏི་རུ་ ཡེན་ཐེར་འབུམ་ ༢༡.༢ འབདཝ་ད་ ཡུ་ཨེཛ་ཌོ་ཡར་ ས་ཡ་ ༡༣༧ དེ་ཅིག་ གནས་དོ་ཡོདཔ་སྦེ་ སྙན་ཞུའི་ནང་བཀོད་ནུག།
འཕྲུལ་ཆས་དང་ སྤྲོ་འཕེལ་སྨན་རིགས་ཚུ་ག་ར་ གནས་སྐབས་ཅིག་ ཊོ་ཀི་ཡོའི་ བྱང་ཁ་ཐུག་ལུ་ཡོད་མི་ ཀུ་ཀི་ཁྲོམ་སྡེའི་ མཛོད་ཁང་ཅིག་ནང་ བཙུགས་བཞག་ནུག་ཟེར་ བཀོད་འདུག་པའི་གནས་ཚུལ།

Please follow and like us: