བཱ་ར་ཟིལ་གྱི་ ས་གནས་ས་ཨོ་པའུ་ལོ་ལུ་ གནམ་གྲུ་ཆུང་ཀུ་ཅིག་ལུ་ ཐུག་རྐྱེན་བྱུང་སྟེ་ མི་ ༢ ལུ་ཤི་རྐྱེན།

སི་ཨེན་ཨེན།
སྤྱི་ཟླ་ ༢ པའི་ཚེས་ ༧ གྱི་དྲོ་པ་ ས་གནས་ཀྱི་ཆུ་ཚོད་ ༧.༢༠ དེ་ཅིག་ཁར་ བཱ་ར་ཟིལ་གྱི་ ལྷོ་ཕྱོགས་ས་གནས་ ས་ཨོ་པའུ་ལོ་ཟེར་སར་ གནམ་གྲུ་ཆུང་ཀུ་ཅིག་ལུ་ ཐུག་རྐྱེན་བྱུང་ཡོདཔ་ལས་ མི་ ༢ ལུ་ ཤི་རྐྱེན་བྱུང་ནུག།
དེ་སྦེ་ ཐུག་རྐྱེན་བྱུང་པའི་སྐབས་ལུ་ འུར་བྱེལ་ཅན་གྱི་ འཁོར་ལམ་བདའ་སྟེ་ འགྲོ་འགྲུལ་འབད་མི་ སྐྱེལ་འདྲེན་སྣུམ་འཁོར་བཱཛ་ཅིག་གུ་ བུད་སོངཔ་ལས་ སྣུམ་འཁོར་བཱཛ་དེ་ནང་སྦེ་ འགྲོ་འགྲུལ་འབད་མི་ ལམ་འགྲུལཔ་ ༦ དེ་ཅིག་ལུ་ རྨ་སྐྱོན་བྱུང་ཡོདཔ་ཨིན་པས།
འཕྲུལ་ཨམ་ ༢ འབད་མི་ ཀིང་ཨེ་ཡར་གྱི་ གནམ་གྲུ་ཆུང་ཀུ་དེ་ ཀེམ་པོ་ཌི་མར་ཊི་ གནམ་ཐང་ལས་ འཕུར་འགྲུལ་འབད་བའི་ཤུལ་ལུ་ ཐུག་རྐྱེན་མ་བྱུང་པའི་ སྐར་མ་དག་པ་ཅིག་གི་ཧེ་མར་ ཚད་འཛིན་ཀ་ཁྱིམ་དང་ འབྲེལ་བ་འཐབ་མ་ཚུགས་པའི་བར་ན་ མེ་འབར་ཡོདཔ་ལས་ གནམ་གྲུ་དེ་ནང་གི་ མི་ ༢ པོ་དེ་ མེ་གིས་འཚིགས་ཏེ་ ཤི་རྐྱེན་བྱུང་ནུག།
ཐུག་རྐྱེན་དེ་གི་སྐོར་ལས་ དབང་འཛིན་ཚུ་གིས་ ཞིབ་དཔྱད་འབད་ནི་ འགོ་བཙུགས་ཡོདཔ་སྦེ་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: