ཤྲཱི་ལངྐ་ལུ་ ཁྲིམས་རྩོདཔ་རྫུན་མ་གིས་ མི་ངན་སྡེ་ཚན་གྱི་ འགོ་ཁྲིདཔ་དམར་བསད།

བི་བི་སི།
སྤྱི་ཟླ་ ༢ པའི་ཚེས་ ༢༡ ལུ་ ཤྲཱི་ལངྐའི་རྒྱལ་ཁབ་ནང་ མི་ཅིག་གིས་ ཁྲིམས་རྩོདཔ་ཨིནམ་བཟོ་སྟེ་ ཁྲིམས་ཁང་ནང་ འཛུལ་ཞིནམ་ལས་ མི་ངན་སྡེ་ཚན་གྱི་ འགོ་ཁྲིདཔ་ཅིག་ པིཛ་ཏཱོལ་རྐྱབ་སྟེ་ དམར་བསད་འབད་ཡོདཔ་ཨིན་པས།
མཚོན་ཆ་དེ་ཡང་ ཨམ་སྲུ་ཅིག་གིས་ དཔེ་དེབ་མེད་པའི་ ཕྱི་ཤོག་ཅིག་ནང་ བཙུགས་ཞིནམ་ལས་ འབག་ཡོདཔ་དང་ མི་ངན་སྡེ་ཚན་གྱི་འགོ་ཁྲིདཔ་ ཚེ་འདས་སཱན་ཇི་བ་ཀུ་མ་ར་ ས་མ་རཱཐ་ནེ་ཟེར་མི་དེ་ མི་ལེ་ཤ་ཅིག་ དམར་བསད་འབད་བའི་ དོགས་ཟོན་ཐོག་ལུ་ ཁྲིམས་སར་བཀལ་ནུག།
མི་ངན་སྡེ་ཚན་ཚུ་གིས་ ཤྲཱི་ལངྐའི་རྒྱལ་ས་ ཀོ་ལོམ་བྷོ་ལུ་ མི་ལེ་ཤ་ཅིག་ དམར་བསད་འབད་ཡོདཔ་ལས་ གཞུང་གི་དབང་འཛིན་ཚུ་གིས་ མི་ངན་དེ་ཚུ་ འཛིན་བཟུང་འབད་ནིའི་ནང་ བརྩོན་ཤུགས་བསྐྱེད་དོ་ཡོདཔ་ཨིན་པས།
མི་ངན་འགོ་ཁྲིདཔ་ སཱན་ཇི་བ་ དམར་བསད་འབད་མི་དེ་ ཁྲིམས་སྲུང་འགག་སྡེ་གིས་ འཛིན་བཟུང་འབད་ཡོདཔ་ད་ པིཛ་ཏོལ་འབག་བསྐྱལ་མི་ ཨམ་སྲུ་དེ་ བཟུང་མ་མ་ཚུགས་རུང་ ཁྲིམས་སྲུང་འགག་སྡེ་གིས་ སྐྱེས་ལོ་ ༢༥ འབད་མི་ པིན་པུ་ར་དེ་ཝ་གེ་ སེ་ཝཱན་ཌི་ཨིནམ་སྦེ་ ངོས་འཛིན་འབད་ནུག་ཟེར་ བཀོད་འདུག་པའི་གནས་ཚུལ།

Please follow and like us: