དགེ་ལེགས་ཕུག་ལུ་ སྐྱབས་རྗེ་ནམ་མཁའི་སྙིང་པོ་རིན་པོ་ཆེ་མཆོག་གིས་ ཞི་ཁྲོ་ངན་སོང་སྦྱོང་བའི་དབང་ལུང་།

གནམ་ལོ་ཤིང་མོ་སྦྲུལ་ལོ་ རང་ཟླ་དང་པའི་ཚེས་ ༧ སྤྱི་ཟླ་ ༣ པའི་ཚེས་ ༦ ལུ་ སྐྱབས་རྗེ་ནམ་མཁའི་སྙིང་པོ་རིན་པོ་ཆེ་མཆོག་གིས་ དགེ་ལེགས་ཕུག་ ཐུབ་བསྟན་ཆོས་འཁོར་ཐང་ནང་སྦེ་ ཞི་ཁྲོ་ངན་སོང་སྦྱོང་བའི་ བཀའ་དབང་གི་ སྟ་གོན་ཐོག་ལས་ ཀློང་ཆེན་སྙིང་ཐིག་ རྩ་པོད་ཀྱི་ སྨིན་བྱེད་དབང་དང་ རྒྱབ་རྟེན་ལྗགས་ལུང་ཚུ་ འགོ་བཙུགས་གནང་ནུག།
དེ་ཡང་ མི་དབང་མངའ་བདག་རིན་པོ་ཆེ་མཆོག་གི་ ཐུགས་ཀྱི་དགོངས་གཏེར་ཟབ་མོ་ལས་འཁྲུངས་པའི་ དགེ་ལེགས་ཕུག་ རང་སྐྱོང་ལུང་ཕྱོགས་ཀྱི་ ངྲན་ཤེས་ཁྲོམ་ཚོགས་ལས་འགུལ་འདི་ འབད་རྩོལ་མེད་པར་ ཡིད་བཞིན་ནོར་བུ་དང་ དཔག་བསམ་ཤིང་ཆེན་བཟུམ་སྦེ་ རང་བཞིན་ལྷུན་གྱིས་ འགྲུབ་ཐབས་ལུ་དམིགས་ཏེ་ གནངམ་ཨིན་པས།
ཞི་ཁྲོ་ངན་སོང་སྦྱོང་བའི་ དབང་ལུང་དེ་ ཞུ་ནིའི་དོན་ལས་ བླ་སྤྲུལ་དང་ མཁན་སློབ་ཚུ་གིས་གཙོས་པའི་ དགེ་སློང་དང་ སྒོམ་ཆེན་ ཨ་ཎེམ་ དེ་ལས་ དད་ལྡན་སེར་སྐྱ་ཕོ་མོ་ སྟོང་ཕྲག་ ༢༥ དེ་ཅིག་ སྤུངས་འཛོམས་འབད་ཡོདཔ་ཨིན་པའི་གནས་ཚུལ།

Please follow and like us: