ཡུ་ཀེའི་ཧི་ཐོ་རོ་ གནམ་གྲུ་ཐང་དེ་ གནས་སྐབས་ཅིག་ སྒོ་བསྡམས་ཡོདཔ།

ཨེ་བི་སི།
སྤྱི་ཟླ་ ༣ པའི་ཚེས་ ༢༡ ལུ་ ཡུ་ཀེའི་གནམ་ཐང་སྦོམ་ཤོས་ ཧི་ཐོ་རོ་དེ་ གློག་མེར་སྐྱོན་ཞུགས་མི་ལུ་བརྟེན་ཏེ་ ནུབ་གཅིག་གི་དོན་ལས་ སྒོ་བསྡམས་བཞག་དགོཔ་བྱུང་ནུག།
དེ་ཡང་ གནམ་གྲུ་ཐང་གི་ སྦོ་ལོགས་ཁར་ཡོད་མི་ གློག་མེ་བཀྲམ་སྤེལ་འཕྲུལ་ཆ་ལས་ མེ་འབར་ནི་དེ་གིས་ མཐའ་འཁོར་ལུ་ དུ་པ་གིས་ གང་ཡོདཔ་ལས་ མེ་རྐྱེན་སྲུང་སྐྱོབ་འབད་མི་ཚུ་གིས་ མི་གྲངས་ ༡༥༠ དེ་ཅིག་ ཉེན་སྲུང་དང་ལྡན་པའི་ས་ཁར་ བསྐྱལ་ཡོདཔ་ཨིན་པས།
གནམ་ཐང་དེ་ནང་ མེ་རྐྱེན་སྲུང་སྐྱོབ་ཀྱི་ སྣུམ་འཁོར་ ༡༠ དང་ སྲུང་སྐྱོབ་ཀྱི་ ལཱ་འབད་མི་ ༧༠ དེ་ཅིག་གིས་ མེ་བསད་ནི་དང་ ཉེན་སྲུང་གི་ ལཱ་ཚུ་འབད་ཡོདཔ་ད་ དབང་འཛིན་ཚུ་གིས་ ཉེ་འདབས་ཀྱི་ མི་སེར་ཚུ་ལུ་ རང་སོའི་སྒོ་ཅུང་ཚུ་བསྡམས་ཏེ་ ཕྱི་ཁར་མ་འཐོན་པར་ སྡོད་དགོ་པའི་ དྲན་བསྐུལ་ཚུ་ཡང་འབད་ནུག།
ཧི་ཐོ་རོ་ གནམ་གྲུ་ཐང་ལུ་ འཕུར་འགྲུལ་འབད་མི་ ཉུང་ཤོས་ར་ གནམ་གྲུ་ ༡༢༠ དེ་ཅིག་ གནམ་གྲུ་ཐང་ནང་ ཆགས་མ་བཅུག་པར་ བཞག་ཡོདཔ་མ་ཚད་ ཕྱི་ནང་ ༢ ལུ་ འཕུར་འགྲུལ་འབད་མི་ གནམ་གྲུ་བསྡོམས་ ༡,༣༥༡ དེ་ཅིག་ལུ་ཡང་ གནོད་པ་བྱུང་ནུག་ཟེར་ བཀོད་འདུག་པའི་གནས་ཚུལ།

Please follow and like us: