ར་ཤི་ཡ་གིས་ ཡུ་ཀེ་རེན་ལུ་ ཌཱོན་སྦོམ་ཅིག་ བཏང་ཡོདཔ་ལས་ མི་ ༢༡ ལུ་རྨ་སྐྱོན།

རོའི་ཊརཛ།
སྤྱི་ཟླ་ ༣ པའི་ཚེས་ ༢༧ ལུ་ གློ་བུར་གྱི་ ཞབས་ཏོག་བྱིན་མི་དང་ འགོ་དཔོན་ཚུ་གིས་ བཤད་དོ་བཟུམ་འབད་བ་ཅིན་ ར་ཤི་ཡའི་ དམག་མི་ཚུ་གིས་ ཡུ་ཀེ་རེན་གྱི་ ཁར་ཀིབ་ལུང་ཕྱོགས་ནང་ དམག་མི་མེད་པའི་ མཁའ་དམག་གནམ་གྲུ་ ཌཱོན་སྦོམ་ཅིག་ བཏང་ཡོདཔ་ལས་ མི་གྲངས་ ༢༡ ལུ་ རྨ་སྐྱོན་བྱུང་པའི་ཁར་ སྡོད་ཁྱིམ་ཚུ་དང་ མཛོད་ཁང་ཚུ་ལུ་ཡང་ གནོད་སྐྱོན་བྱུང་ནུག་ཟེར་ཨིན་པས།
དེ་ཡང་ ཡུ་ཀེ་རེན་གྱི་ ཁྲོམ་ཚོགས་སྦོམ་ཤོས་ ༢ པའི་ནང་ཡང་ མེ་རྐྱེན་ཁག་ ༤ བྱུང་ཡོདཔ་ད་ ར་ཤི་ཡ་གིས་ ཌཱོན་ ༨༦ བཏང་མིའི་གྲས་ལས་ ཌཱོན་ ༤༢ ཡུ་ཀེ་རེན་གྱི་ མཁའ་དམག་གིས་ ཕབ་བཏང་ཡོདཔ་སྦེ་བཤད་ནུག།
དེ་མ་ཚད་ ར་ཤི་ཡའི་ དམག་མི་ཚུ་གིས་ ས་མཚམས་བརྒལ་ཏེ་ ཀི་ལོ་མི་ཊར་ ༣༠ དེ་ཅིག་གི་ས་ཁར་ དམིགས་གཏད་བསྐྱེད་མི་ སྒེར་གྱི་སྡོད་ཁྱིམ་དང་ སྒྲིང་ཁྱིམ་ དེ་ལས་ སྣུམ་འཁོར་དང་ བཟོ་བསྐྲུན་གྱི་ མཐུན་རྐྱེན་ཚུ་ལུ་ཡང་ གནོད་སྐྱོན་རྐྱབ་ཡོདཔ་སྦེ་ཨིན་པས།
ཟོ་ལོ་ཅིབ་ཁྲོམ་ཁར་ གནོད་འཚུབ་བཀལ་ཏེ་ ཁྱིམ་གྱི་ཅ་ཆས་ཚུ་ མེར་བཏང་ཡོདཔ་མ་ཚད་ ཨ་ལུ་ ༡ བརྩིས་ཏེ་ མི་གྲངས་ ༨ ལུ་ཡང་ རྨ་སྐྱོན་བྱུང་ཡོདཔ་སྦེ་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: