མི་ཡཱན་མར་ རྒྱལ་ཁབ་ཀྱི་ དབུས་ཕྱོགས་ས་གནས་ནང་ ས་ཡོམ་ཚབས་ཆེན།

རོའི་ཊརཛ།
སྤྱི་ཟླ་ ༣ པའི་ཚེས་ ༢༨ ལུ་ མི་ཡཱན་མར་ རྒྱལ་ཁབ་ཀྱི་ དབུས་ཕྱོགས་ས་གནས་ནང་ ས་ཡོམ་ཤུགས་ཅན་ཅིག་ རྐྱབ་ཡོདཔ་ལས་ རྒྱལ་ས་ཡང་གོན་དང་ ཁྱིམ་མཚེས་རྒྱལ་ཁབ་ མཐའ་ཡས་ལེན་གྱི་རྒྱལ་ས་ བེང་ཀོག་གི་ མི་སེར་ཚུ་ འདྲོག་འབྱེལ་འཐབ་དགོཔ་བྱུང་ནུག།
ཡུ་ཨེཛ་གི་ ས་ཆའི་ཆགས་ཚུལ་ ཞིབ་དཔྱད་ལས་སྡེ་གིས་འབད་བ་ཅིན་ ས་ཡོམ་དེ་གི་ རིག་ཊར་ཚད་འཇལ་དང་འཁྲིལཝ་ད་ ས་ཡོམ་ཤུགས་ཚད་དེ་ ༧.༧ རྐྱབ་ཡོདཔ་སྦེ་ཨིནམ་ད་ དེ་ཡང་ མི་རློབས་ས་ཡ་ ༡.༢ ཡོད་མི་ མཱན་ཌ་ལེ་ཁྲོམ་ལས་ ཀི་ལོ་མི་ཊར་ ༡༧ ལྷགཔ་ཅིག་གི་ ས་འོག་ཀི་ལོ་མི་ཊར་ ༡༠ གྱི་གཏིང་ལས་ ཐོན་ཡོདཔ་སྦེ་ཨིན་པས།
མི་ཡཱན་མར་གྱི་ མེ་རྐྱེན་ཞབས་ཏོག་ལས་ཁུངས་ཀྱི་ འགོ་དཔོན་ཅིག་གིས་ ཡང་གོན་མཐའ་འཁོར་ལུ་ ཤི་རྐྱེན་དང་ གནོད་སྐྱོན་ཚུ་ བྱུང་སྟེ་ཡོད་མེད་ འཚོལ་ཞིབ་འབད་བའི་བསྒང་ར་ཡོདཔ་ལས་ བརྡ་དོན་ཚུ་ ག་ནི་ཡང་ མ་ཐོབ་སྦེ་བཤད་ནུག།
ཨིན་རུང་ མཱན་ཌ་ལེ་ལས་ མི་སྡེ་བརྡ་བརྒྱུད་ཚུ་ནང་ སྒྲིང་ཁྱིམ་བརྡིབས་འགྱོ་མི་ཚུ་གི་དཔར་དང་ འཁོར་ལམ་ཚུ་ རག་རོ་གིས་ གང་སྟེ་ཡོདཔ་སྦེ་ གསལ་སྟོན་འབད་ནུག་ཟེར་ བཀོད་འདུག་པའི་གནས་ཚུལ།

Please follow and like us: