ཡུ་ཀེ་རེན་གྱིས་ ར་ཤི་ཡའི་ ནུས་ཤུགས་མཐུན་རྐྱེན་ཚུ་ལུ་ གནོད་འཚུབ་བཀལ་ཡོདཔ།

རོའི་ཊརཛ།
སྤྱི་ཟླ་ ༤ པའི་ཚེས་ ༥ ལུ་ ར་ཤི་ཡ་གིས་ བཤད་དོ་བཟུམ་འབད་བ་ཅིན་ ཡུ་ཀེ་རེན་གྱིས་ ར་ཤི་ཡའི་ ནུས་ཤུགས་མཐུན་རྐྱེན་ཚུ་ལུ་ གནོད་འཚུབ་བཀལ་ནི་དེ་ ཡར་སེང་སོང་ཡོདཔ་བཞིན་དུ་ འདས་པའི་ཆུ་ཚོད་ ༢༤ གི་ ནང་འཁོད་ལུ་ར་ གནོད་འཚུབ་ལན་ཐེངས་ ༡༤ བཀལ་ཡི་ཟེར་ཨིན་པས།
དེ་ཡང་ ར་ཤི་ཡའི་ ལུང་ཕྱོགས་ཀྱི་ ནུས་ཤུགས་མཐུན་རྐྱེན་ཚུ་ལུ་ མི་མེད་པའི་ མཁའ་དམག་གནམ་གྲུ་ཌཱོན་དང་ གོ་མཚོན་སྟོབས་དེ་ཚུ་ ལག་ལེན་འཐབ་སྟེ་ གནོད་འཚུབ་བཀལ་ཡོདཔ་སྦེ་བཤད་ནུག།
མ་གཞི་ ར་ཤི་ཡ་དང་ ཡུ་ཀེ་རེན་ ༢ ཀྱིས་ འདས་པའི་ཟླཝ་ནང་ ཡུ་ཨེཛ་གིས་ ཕན་ཚུན་གྱི་ ནུས་ཤུགས་མཐུན་རྐྱེན་ཚུ་ ཉིན་གྲངས་ ༣༠ གི་རིང་ལུ་ བཀག་ཆ་འབད་དགོ་པའི་ གྲོས་འཆར་བཀོད་མི་ལུ་ ཆ་འཇོག་འབད་ཡོད་རུང་ རྒྱལ་ཁབ་གཉིས་ཆ་རའི ཁ་ཐུག་ལས་ ཆ་གནས་མ་བཞགཔ་ཨིན་པས།
དེ་མ་ཚད་ སྤྱི་ཟླ་ ༤ པའི་ཚེས་ ༤ ལུ་ཡང་ ར་ཤི་ཡ་གིས་ ཡུ་ཀེ་རེན་གྱི་ ཀི་རི་ཝི་རི་ ཁྲོམ་ཚོགས་ལུ་ གནོད་འཚུབ་བཀལཝ་ལས་ ཨ་ལོ་ ༩ གིས་གཙོས་པའི་ མི་གྲངས་ ༡༩ ལུ་ ཤི་རྐྱེན་བྱུང་ཡོདཔ་སྦེ་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: