ནིའུ་ཡོག་ལུ་ གནམ་གྲུ་ཧེ་ལི་ཀོབ་ཊར་ཅིག་ལུ་ ཐུག་རྐྱེན་བྱུང་སྟེ་ མི་གྲངས་ ༦ ལུ་ཤི་རྐྱེན།

བི་བི་སི།
ནིའུ་ཡོག་ལུ་ ལྟ་བཤལཔ་བཟའ་ཚང་ཅིག་འབག་སྟེ་ འཕུར་འགྲུལ་འབད་མི་ གནམ་གྲུ་ཧེ་ལི་ཀོབ་ཊར་ཅིག་ ཧུད་སཱོན་གཙང་ཆུའི་ནང་ བུད་སོངཔ་ལས་ ཨ་ལོ་ ༣ བརྩིས་ཏེ་ མི་གྲངས་ ༦ ལུ་ ཤི་རྐྱེན་བྱུང་ཡོདཔ་ཨིན་པས།
དེ་ཡང་ སྤྱི་ཟླ་ ༤ པའི་ཚེས་ ༡༠ ལུ་ ནིའུ་ཡོག་ཁྲོམ་སྡེའི་ཁྲོམ་དཔོན་ ཨེ་རིག་ཨེ་ཌམ་གྱིས་ བཟའ་ཚང་ནང་མི་ ༥ པོ་དེ་ སི་པེན་ལས་ཨིནམ་ད་ མི་ངོམ་ ༦ པ་དེ་ གནམ་གྲུའི་དེད་དཔོན་ཨིནམ་སྦེ་ གནས་ཚུལ་བསྡུ་བཀོདཔ་ཚུ་ལུ་ གསལ་བཤད་འབད་ནུག།
གནམ་གྲུ་དེ་ལུ་ ཐུག་རྐྱེན་བྱུང་མིའི་སྐོར་ལས་ ཞིབ་དཔྱད་འབད་བའི་བསྒང་ཡོདཔ་ད་ འབྲེལ་ཡོད་འགོ་དཔོན་ཚུ་གིས་ བཤད་དོ་བཟུམ་འབད་བ་ཅིན་ གནམ་གྲུ་དེ་ ནིའུ་ཇར་སི་ རྒྱ་མཚོའི་མཐའ་མར་ འཕུར་འགྲུལ་གྱི་དོན་ལས་ ཇོརཇ་ཝ་ཤིང་ཊཱོན་ཟམ་པར་ བསྒྱིར་བའི་ཤུལ་ལུ་ ཚད་འཛིན་འབད་མ་ཚུགས་པར་ ཐུག་རྐྱེན་བྱུང་བྱུངམ་བཟུམ་ཅིག་འདུག་ཟེར་ཨིན་པས།
གནམ་གྲུ་ཧེ་ལི་ཀོབ་ཊར་དེ་ ནིའུ་ཡོག་ཧེ་ལི་ཀོབ་ཊརཛ་གིས་ ལག་ལེན་འཐབ་དོ་ཡོདཔ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: