འཐུས་མི་བཀྲིས་རྡོ་རྗེ་ལུ་ འདོད་སྤྱོད་བསུན་འཚེར་འབད་བའི་ ཉེས་འཛུགས་ཐོག་ལུ་བཙོན་ཁྲིམས།

སྤྱི་ཟླ་ ༤ པའི་ཚེས་ ༡༠ ལུ་ ཀྲོང་གསར་རྫོང་ཁག་ ཁྲིམས་ཀྱི་འདུན་ས་ལས་ རྒྱལ་ཡོངས་ཚོགས་འདུའི་འཐུས་མི་ བཀྲིས་རྡོ་རྗེ་ལུ་ ལོ་ངོ་ ༣ དང་ ཟླ་ངོ་ ༣ ཉིན་ཞག་ ༢༨ ཀྱི་ བཙོན་ཁྲིམས་བཀལ་གནང་ནུག།

དེ་ཡང་ ནུབ་སྦིས་-སྟངས་སི་སྦྱིས་ འདེམས་ཁོངས་ཀྱི་འཐུས་མི་ བཀྲིས་རྡོ་རྗེ་དེ་ ཀྲོང་གསར་ནུབ་སྦིས་རྒེད་འོག་ལུ་ རྒེད་འོག་བདག་སྐྱོང་འགོ་དཔོན་སྦེ་ ཕྱག་ཞུ་སྡོདཔ་ད་ སྤྱི་ལོ་ ༢༠༢༢ ལོར་ སློབ་ཕྲུག་བུམོ་ཅིག་ལུ་ འདོད་སྤྱོད་བསུན་འཚེར་འབད་བའི་ ཉེས་འཛུགས་ཐོག་ལུ་ བཙོན་ཁྲིམས་ཕོག་ཡོདཔ་ཨིན་པས།

གནད་དོན་དེ་གི་སྐོར་ལས་ སྤྱི་ལོ་ ༢༠༢༣ ལུ་ སློབ་ཕྲུག་ཉམས་རྒུདཔ་དེ་གིས་ སློབ་གྲྭའི་བདག་སྐྱོང་ལུ་ སྙན་ཞུ་འབད་ཡོདཔ་བཞིན་དུ་ སློབ་གྲྭའི་བདག་སྐྱོང་གིས་ ཀྲོང་གསར་སྨན་ཁང་ནང་ བཏང་པའི་ཤུལ་ལས་ པདྨ་དྲུང་ཆེན་ཡིག་ཚང་ལུ་ ཞིབ་དཔྱད་ཀྱི་དོན་ལས་བཏང་ནུག།

ཁྲིམས་འདུན་གྱིས་ འབྲུག་གི་ཉེས་འགེལ་ཁྲིམས་དེབ་ཀྱི་ དགོངས་དོན་དང་འཁྲིལ་ཏེ་ འཐུས་མི་དེ་ལུ་ཕོག་པའི་ བཙོན་ཁྲིམས་དེ་ བཙོན་འཐུས་སྒྲིག་མི་ཆོག་ནི་ཨིནམ་ད་ ཁོ་ལུ་ གློད་གྲོལ་དང་ བསྟར་སྤྱོད་མ་འབད་བའི་ སྔ་གོང་གི་ དུས་ཚོད་ཚུ་ ག་ནི་ཡང་ མ་གནངམ་ཨིན་པས།

བཀྲིས་རྡོ་རྗེ་དེ་ རྒྱལ་ཡོངས་ཚོགས་འདུའི་ འཐུས་མི་སྦེ་ ད་ལྟོ་ཡོད་མི་ སྤྱི་ཚོགས་ཀྱི་ བཙག་འཐུ་ནང་ལས་ གདམ་འཐུ་གྲུབ་ཡོདཔ་ད་ ཁྲིམས་འདུནལས་ འཁྲུན་ཆོད་གནང་པའི་ཤུལ་ལུ་ ཁྲིམས་དོན་དང་ བྱ་སྒོའི་རིམ་པ་དང་བསྟུན་ཏེ་ སྤྱི་ཚོགས་ནང་ལས་ འགན་འགྲོལ་གནང་ནི་ཨིན་པའི་གནས་ཚུལ།