མི་རྗེ་བློན་ཆེན་མཆོག་གིས་ ཡུ་རོ་པིན་ ཕྱི་འབྲེལ་ལས་དོན་ཞབས་ཏོག་ནང་ ཨེ་ཤི་ཡ་དང་ པེ་སི་ཕིག་གི་ འཛིན་སྐྱོང་མདོ་ཆེན་འོགམ་དང་མཇལ་ཕྲད།

སྤྱི་ཟླ་ ༤ པའི་ཚེས་ ༢༡ ལུ་ མི་རྗེ་བློན་ཆེན་མཆོག་གིས་ ཡུ་རོ་པིན་ ཕྱི་འབྲེལ་ལས་དོན་ཞབས་ཏོག་ནང་ ཨེ་ཤི་ཡ་དང་ པེ་སི་ཕིག་གི་ འཛིན་སྐྱོང་མདོ་ཆེན་འོགམ་ ཨམ་པཱའོ་ལ་ པམ་པ་ལོ་ནི་དང་ འབྲུག་དང་ རྒྱ་གར་ལུ་ ཡུ་རོ་པིན་ ཡུ་ནི་ཡན་གྱི་གཞུང་ཚབ་ ཧར་ཝེ་ཊེལ་ཕིན་དང་གཅིག་ཁར་ མཇལ་ཕྲད་མཛད་ནུག།

དེ་བསྒང་ མི་རྗེ་བློན་ཆེན་མཆོག་གིས་ ལོ་ངོ་མང་རབས་ཅིག་གི་རིང་ལུ་ ཡུ་རོ་པིན་ ཡུ་ནི་ཡན་གྱིས་ རྒྱབ་སྐྱོར་དང་ མཐུན་ལམ་ཚུ་ འཕྲོ་མཐུད་དེ་ར་ བཞག་གནང་མི་ལུ་ འབྲུག་གི་ཁ་ཐུག་ལས་ ངལ་རངས་སྦོམ་ཡོད་ལུགས་ཚུ་ གསུངས་ཡོདཔ་ཨིན་པས།

དེ་མ་ཚད་ དུས་ཡུན་རིངམོ་སྦེ་ གནས་ཏེ་ཡོད་མི་ མཉམ་འབྲེལ་འདི་ཡང་ ཧེང་སྐལ་ར་ སྒྲིང་སྒྲིང་སོང་སྟེ་ མཉམ་འབྲེལ་ཡར་དྲག་གཏང་ནི་གི་ ཐབས་ལམ་ཚུ་གི་སྐོར་ལས་ཡང་ གསུང་གྲོས་གནང་ཡོད་པའི་ གནས་ཚུལ་མདོར་བསྡུས།