རྒྱ་གར་གཞུང་གིས་ ཀཤ་མིར་ལུང་ཕྱོགས་ནང་ མི་སེར་ཚུ་གི་ འགྲུལ་སྐྱོད་བཀག་དམ།

རོའི་ཊརཛ།
སྤྱི་ཟླ་ ༤ པའི་ཚེས་ ༢༩ ལས་ རྒྱ་གར་གཞུང་གིས་ ཀཤ་མིར་ལུང་ཕྱོགས་ནང་ བལྟ་བཤལ་ས་ཁོངས་ཕྱེད་ལྷགཔ་ཅིག་ལུ་ མི་སེར་ཚུ་ འགྲུལ་སྐྱོད་འབད་མ་ཆོགཔ་སྦེ་ བཀག་དམ་འབད་ནུག།
དེ་ཡང་ མུཛ་ལིམ་གྱི་ མི་རིགས་མང་ཤོས་ཡོད་མི་ ཀཤ་མིར་ལུ་ བདུན་ཕྲག་ཧེ་མའི་ནང་ བལྟ་བཤལ་པའི་ ས་ཁོངས་དགའ་ཤོས་ པ་ཧཱལ་གམ་ཟེར་སར་ གཡིབ་དམག་ཚུ་གིས་ ཀྲོབ་མདའ་རྐྱབ་སྟེ་ བལྟ་བཤལཔ་ ༢༦ དམར་བསད་འབད་བའི་ གནད་ལུ་བརྟེན་ཏེ་ཨིན་པས།
དེ་བསྒང་ བྱ་ངན་འབད་མི་ ༣ འཛིན་བཟུང་འབད་མིའི་གྲས་ལས་ ༢ པཱ་ཀིཛ་ཏཱན་གྱི་ མི་ཁུངས་ཨིནམ་སྦེ་ ངོས་འཛིན་བྱུང་ཡོད་རུང་ པཱ་ཀིཛ་ཏཱན་གྱིས་ ངོས་ལེན་འབད་མ་བཏུབ་པར་ཡོདཔ་སྦེ་བཀོད་ནུག།
ཀཤ་མིར་ལུང་ཕྱོགས་ནང་ ཧིན་དུའི་ཆོས་ལུགས་འཛིན་མི་ མི་སེར་ཚུ་གིས་ བཤད་དོ་བཟུམ་འབད་བ་ཅིན་ ཀཤ་མིར་ལུ་ཡོད་མི་ མུཛ་ལིམ་གྱི་ མི་རིགས་ཚུ་ལུ་ པཱ་ཀིཛ་ཏཱན་ལས་ མ་དངུལ་གྱི་ རྒྱབ་སྐྱོར་དང་ དམག་འཁྲུག་གི་དོན་ལས་ སེམས་བྱིན་དོ་ཡོད་པའི་ ཁ་ཉེས་བཀལཝ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: