མཐའ་ཡས་ལེན་གྱི་ མི་དབང་རྒྱལ་བཙུན་རྣམ་ ༢ ལོག་བྱོན་ཡོདཔ།

མཐའ་ཡས་ལེན་གྱི་ མི་དབང་རྒྱལཔོ་མཆོག་དང་ མི་དབང་རྒྱལ་བཙུན་མཆོག་གིས་ འབྲུག་རྒྱལ་ཁབ་ནང་ ཉིན་གྲངས་ ༤ གི་རིང་ལུ་ གཟིགས་སྐོར་གནང་པའི་ཤུལ་ལས་ སྤྱི་ཟླ་ ༤ པའི་ཚེས་ ༢༨ ལུ་ ལོག་བྱོན་ཡི།

དེ་སྦེ་ ལོག་བྱོན་པའི་སྐབས་ལུ་ རྒྱལ་ཁབ་ ༢ ཀྱི་ མི་དབང་སྐུ་འཁོར་ལྷན་རྒྱས་ཚུ་གི་བར་ན་ མཐུན་ལམ་དམ་ཟབ་དང་ ཐུགས་བརྩེ་སྦོམ་ཡོད་པའི་ བརྡ་མཚོན་ལུ་ མི་དབང་མངའ་བདག་རིན་པོ་ཆེ་མཆོག་དང་ མི་དབང་རྒྱལ་བཙུན་མཆོག་གིས་ སྤ་རོ་རྒྱལ་སྤྱི་གནམ་ཐང་ཚུན་ ཞབས་སྐྱེལ་མཛད་གནང་ནུག།

དེ་གི་ཧེ་མར་ མཐའ་ཡས་ལེན་གྱི་ མི་དབང་རྒྱལ་བཙུན་རྣམ་ ༢ སྤ་རོ་དུང་དཀར་རྫོང་ནང་ གཟིགས་སྐོར་གནང་པར་ བྱོན་པའི་སྐབས་ལུ་ མི་དབང་སྐུ་འཁོར་ལྷན་རྒྱས་ཚུ་དང་ སྤ་རོའི་མི་སེར་ཚུ་གིས་ དགའ་ཚོར་དང་བཅས་པའི་སྒོ་ལས་ ཕེབས་བསུ་ཞུ་ཡོདཔ་མ་ཚད་ སློབ་ཕྲུག་ཚུ་གིས་ཡང་ བྱོན་ལམ་བདའ་སྟེ་ རྒྱལ་ཁབ་ ༢ ཀྱི་ རྒྱལ་དར་འབག་ཐོག་ལས་ བྱོན་ལེགས་ཞུ་ཡོད་པའི་གནས་ཚུལ།