ཨིཛ་རེལ་གཞུང་ཚབ་ཡིག་ཚང་གི་ ལས་བྱེདཔ་ ༢ དམར་བསད་འབད་མི་ དོགས་པ་ཅན་འཛིན་བཟུང་།

བི་བི་སི།་
སྤྱི་ཟླ་ ༥ པའི་ཚེས་ ༢༢ ལུ་ ཁྲིམས་སྲུང་འགག་སྡེ་གིས་ བཤད་དོ་བཟུམ་འབད་བ་ཅིན་ ཡུ་ཨེཛ་གི་རྒྱལ་ས་ ཝ་ཤིང་ཊཱོན་ ཌི་སི་ཁྲོམ་སྡེའི་ ཇིའུ་འགྲེམ་སྟོན་ཁང་གི་ཕྱི་ཁར་ ཨིཛ་རེལ་གཞུང་ཚབ་ཡིག་ཚང་གི་ ལས་བྱེདཔ་ ༢ ཀྲོབ་མདའ་རྐྱབ་སྟེ་ དམར་བསད་འབད་ཡི་ཟེར་ཨིན་པས།
དེ་ཡང་ ན་གཞོན་བཟའ་ཚང་ ༢ ས་གནས་ཀྱི་ ཕྱི་རོའི་ཆུ་ཚོད་ ༩ དེ་ཅིག་ཁར་ ཇིའུ་འགྲེམ་སྟོན་ཁང་ནང་ དུས་སྟོན་ལས་རིམ་ཅིག་ འགོ་འདྲེན་འཐབ་སར་ ལྟདམོ་བལྟ་བར་ འགྱོ་བའི་སྐབས་ལུ་ ཀྲོབ་མདའ་རྐྱབ་སྟེ་ དམར་བསད་འབད་ནུག།
མ་གཞི་ ས་གནས་དེ་ནང་ བལྟ་བཤལ་པའི་ ས་ཁོངས་དང་ འགྲེམ་སྟོན་ཁང་ གཞུང་གི་སྒྲིང་ཁྱིམ་ཚུ་ ལེ་ཤ་ཅིག་ཡོདཔ་ད་ ཕོ་སྐྱེས་དེ་ འགྲེམ་སྟོན་ཁང་ནང་ འགྱོ་ནི་ལས་ཡང་ བཀག་དམ་འབད་ཡི་ཟེར་ཨིན་པས།
ཁྲིམས་སྲུང་འགག་སྡེ་གིས་ འཛིན་བཟུང་མ་འབད་བའི་ཧེ་མར་ ཅི་ཀ་གོ་ལས་ཨིན་མི་ དོགས་པ་ཅན་ སྐྱེས་ལོ་ ༣༠ འབད་མི་ ངོ་མིང་ཨི་ལི་ཡཛ་ རོ་ཌི་གུཛ་གིས་ འགྲེམ་སྟོན་ཁང་གི་ཕྱི་ཁར་ ཀྲོབ་མདའ་ག་ལྷོད་རྐྱབ་ཡོདཔ་སྦེ་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: