ར་ཤི་ཡ་གིས་ ཡུ་ཀེ་རེན་ལུ་ མི་ཛ་ཡེལ་དང་ ཌཱོན་གྱི་ཐོག་ལས་ གནོད་འཚུབ་བཀལ་མིའི་ནང་ མི་གྲངས་ ༡༤ ལུ་རྨ་སྐྱོན།

བི་བི་སི།
སྤྱི་ཟླ་ ༥ པའི་ཚེས་ ༢༤ ལུ་ ར་ཤི་ཡ་གིས་ ཡུ་ཀེ་རེན་གྱི་ རྒྱལ་ས་ཀི་ཡིབ་ལུ་ མི་ཛ་ཡེལ་དང་ དམག་མི་མེད་པའི་ མཁའ་དམག་གནམ་གྲུ་ཆུང་བ་ཌཱོ་ཚུ་ ལག་ལེན་འཐབ་ཐོག་ལས་ གནོད་འཚུབ་བཀལ་མིའི་ནང་ མི་ ༡༤ ལུ་ རྨ་སྐྱོན་བྱུང་ནུག།
དེ་ཡང་ ར་ཤི་ཡ་གིས་ ཀི་ཡིབ་ལུ་ དམག་མི་མེད་པའི་ མཁའ་དམག་གནམ་གྲུ་ ཌཱོན་ ༢༥༠ དང་ མི་ཛ་ཡེལ་སྦོམ་ ༡༤ བཏང་ཐོག་ལས་ གནེོདཔ་བཀལ་མིའི་ནང་ སྡོད་ཁྱིམ་ཚུ་ལུ་ མེ་རྐྱེན་བྱུང་ཡི་ཟེར་ཨིན་པས།
རྒྱལ་ཁབ་ ༢ ཀྱི་བར་ན་ དམག་འཁྲུག་ལང་ནི་ འགོ་བཙུགས་ཞིནམ་ལས་ཚུར་ ད་ཚུན་གྱི་རིང་ལུ་ ཀི་ཡིབ་ཁྲོམ་སྡེའི་ནང་ དེ་བཟུམ་མའི་ གནོད་འཚུབ་བཀལ་མི་དེ་ སྦོམ་ཤོས་ཅིག་ཨིན་ཟེར་ དམག་མི་ཚུ་གིས་ བཤད་ཡོདཔ་མ་ཚད་ དེ་བསྒང་ མི་ཛ་ཡེལ་ ༦ དང་ དམག་མི་མེད་པའི་ མཁའ་དམག་གནམ་གྲུ་ ཌཱོན་ ༢༤༥ ཡང་ ཕབ་བཏང་ཡོདཔ་སྦེ་བཤད་ནུག།
རྐྱེན་ངན་དེ་ཡང་ ཊར་ཀི་ལུ་ རྒྱལ་ཁབ་ ༢ ཀྱི་ འགོ་དཔོན་ཚུ་ ངོ་ཕྲད་ཐོག་ལས་ གསུང་གྲོས་གནང་སྟེ་ བཙོན་པ་ཚུ་ ཕར་ཚུར་བརྗེ་སོར་འབད་ནི་གི་ གྲོས་ཆོད་བྱུང་པའི་ཤུལ་ལུ་ བྱུང་ཡོདཔ་ཨིན་པས།
དེ་བཟུམ་སྦེ་ ཡུ་ཀེ་རེན་གྱིས་ཡང་ འདས་པའི་བདུན་ཕྲག་ནང་ ར་ཤི་ཡའི་རྒྱལ་ས་ མེཛ་ཀོ་ལུ་ འགས་འགྱོ་མི་ མཁའ་འགྲུལ་འཕྲུལ་ཆས་ ཌཱོན་བརྒྱ་ཕྲག་སྦེ་བཏང་སྟེ་ གནོད་འཚུབ་བཀལ་ཡོདཔ་སྦེ་ ར་ཤི་ཡའི་ དམག་མི་ཚུ་གིས་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: