ཨཱཛ་ཊེ་ལི་ཡ་ལུ་ ཁེ་ཕན་མེད་པ་ཅིན་ ཡུ་རོབ་ཚོང་འབྲེལ་འགྲིག་ཆའི་ནང་ གྲལ་གཏོགས་མི་འབད་ནི།

ཨེ་བི་སི།
སྤྱི་ཟླ་ ༦ པའི་ཚེས་ ༥ ལུ་ ཨཱཛ་ཊེ་ལི་ཡའི་བློན་ཆེན་ ཨེན་ཐོ་ནི་ ཨཱལ་བཱ་ནེཛ་གིས་ བཤད་དོ་བཟུམ་འབད་བ་ཅིན་ ཡུ་རོབ་རྒྱལ་ཁབ་ཚོགས་པའི་ ཚོང་འབྲེལ་འགྲིག་ཆའི་ནང་ལས་ ཨཱཛ་ཊེ་ལི་ཡའི་དོན་ལུ་ མཐའ་དོན་ག་ནི་ཡང་མེད་པ་ཅིན་ ཨཱཛ་ཊེ་ལི་ཡའི་ གཞུང་གི་ཁ་ཐུག་ལས་ འགྲིག་ཆ་དེ་ལུ་ མཚན་རྟགས་མི་བཀོད་ཟེར་ཨིན་པས།
དེ་ཡང་ པེ་རིཛ་ལུ་ ས་སྣུམ་ཕྱིར་ཚོང་རྒྱལ་ཁབ་ཚུ་གི་ དབུ་ཁྲིད་ཞལ་འཛོམས་སྐབས་ལུ་ ཨཱཛ་ཊེ་ལི་ཡའི་ ཚོང་འབྲེལ་བློན་པོ་ ཌོན་ཕེ་རེལ་གྱིས་ ཡུ་རོབ་རྒྱལ་ཁབ་ཚོགས་པའི་ལྷན་འཛིན་ མཱར་ཀོཛ་སེཕ་ཀོ་བིཆ་དང་གཅིག་ཁར་ཕྱད་ནུག།
ཨཱཛ་ཊེ་ལི་ཡའི་ བློན་ཆེན་གྱིས་ འདྲ་མཉམ་དང་ དྲང་བདེན་གྱི་ ཚོང་འབྲེལ་ལུ་ རྒྱབ་སྐྱོར་ཡོད་རུང་ ཡུ་ཨེཛ་ལུ་ མཛུབ་མོ་དཔག་སྟེ་ རྒྱལ་སྤྱིའི་གནས་རིམ་ནང་ ཚོང་འབྲེལ་གྱི་ གནས་སྟངས་ལུ་ འགྱུར་བ་ཐོན་མི་དང་བསྟུན་ཏེ་ ཨཱཛ་ཊེ་ལི་ཡ་ལུ་ ལེགས་ཤོམ་མིན་པ་ཅིན་ ཡུ་རོབ་རྒྱལ་ཁབ་ཚོགས་པ་དང་གཅིག་ཁར་ འགྲིག་ཆ་མི་བཟོ་ནི་ཨིནམ་སྦེ་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: