བང་ལ་དེཤ་ལུ་ རྒྱལ་ཡོངས་བཙག་འཐུ་དེ་ སྤྱི་ལོ་ ༢༠༢༦ སྤྱི་ཟླ་ ༢ པའི་ནང་ འགོ་འདྲེན་འཐབ་ནི།

རོའི་ཊརཛ།
སྤྱི་ཟླ་ ༦ པའི་ཚེས་ ༡༣ ལུ་ བང་ལ་དེཤ་གི་ གནས་སྐབས་གཞུང་གི་ འགོ་ཁྲིདཔ་གིས་ ཧེ་མ་ གསལ་བསྒྲགས་འབད་མི་ལས་ ཟླཝ་ ༢ ཀྱི་ཧེ་མར་ རྒྱལ་ཡོངས་བཙག་འཐུ་ འགོ་འདྲེན་འཐབ་ནི་གི་ འོས་འབབ་ཡོད་པའི་ བརྡ་སྟོན་འབད་ནུག།
དེ་ཡང་ གནས་སྐབས་གཞུང་གི་འགོ་ཁྲིདཔ་ མུ་ཧ་མཱད་ ཡུ་ནུཛ་གིས་ བཤད་དོ་བཟུམ་འབད་བ་ཅིན་ བང་ལ་དེཤ་ རྒྱལ་ཡོངས་ཚོགས་པའི་ ཁྲི་འཛིན་འོག་མ་ ཏ་རིག་རཱ་མཱན་གྱིས་ སྤྱི་ལོ་ ༢༠༢༦ སྤྱི་ཟླ་ ༢ པའི་ནང་ ར་མ་དཱན་གྱི་ཧེ་མར་ ཚོགས་རྒྱན་བཙུགས་དགོཔ་སྦེ་ གྲོས་འཆར་བཀོད་མི་ལུ་ ལན་གསལ་འབད་ཡི་ཟེར་ཨིན་པས།
མ་གཞི་ འགོ་ཁྲིདཔ་ཡུ་ནུཛ་གིས་ འདས་པའི་བདུན་ཕྲག་ནང་ བཙག་འཐུ་དེ་ སྤྱི་ལོ་ ༢༠༢༦ སྤྱི་ཟླ་ ༤ པའི་ ཟླ་ཕྱེད་ལུ་ འགོ་འདྲེན་འཐབ་ནི་སྦེ་ བཤད་ཡོད་རུང་ ལྡོག་ཕྱོགས་སྡེ་ཚན་ཚུ་གིས་ དེ་གི་ཧེ་མ་ལས་ ཚོགས་རྒྱན་བཙུགས་དགོ་པའི་ བརྡ་སྐུལ་འབད་ནུག།
བློན་ཆེན་བགྲེསཔ་ ཤེག་ཧ་སི་ན་དེ་ འདས་པའི་ལོ་ནང་ སློབ་ཕྲུག་ཚུ་གིས་ ངོ་རྒོལ་འབད་བ་ལུ་བརྟེན་ཏེ་ རྒྱལ་ཁབ་ནང་ལས་ རྒྱ་གར་ལུ་ བྱོག་ཡར་སོངཔ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: