རྒྱ་གར་ཨཱ་མེ་ད་བཱད་ལུ་ གནམ་གྲུ་ཐུག་རྐྱེན་ནང་ ཤི་རྐྱེན་བྱུང་གི་དོན་ལས་ བསྔོ་བ་སྨོན་ལམ།

སྤྱི་ཟླ་ ༦ པའི་ཚེས་ ༡༤ ལུ་ ཐིམ་ཕུ་བཀྲིས་ཆོས་རྫོང་གི་ ཀུན་རྭ་ནང་སྦེ་ རྒྱ་གར་ཨཱ་མེ་ད་བཱད་ལུ་ གནམ་གྲུ་ཐུག་རྐྱེན་ནང་ ཤི་རྐྱེན་བྱུང་མི་ཚུ་གི་དོན་ལས་ དམིགས་བསལ་གྱི་ བསྔོ་བ་སྨོན་ལམ་ཅིག་ འགོ་འདྲེན་འཐབ་ཡོདཔ་ད་ སྨོན་ལམ་དེ་ནང་ མི་དབང་མངའ་བདག་རིན་པོ་ཆེ་དང་ མི་དབང་འབྲུག་རྒྱལ་བཞི་མཆོག་ མི་དབང་རྒྱལ་བཙུན་རྣམས་ དབུ་བཞུགས་ཐོག་ལས་ མར་མེ་སྟོང་མཆོད་ ཕུལ་གནང་ཡོདཔ་ཨིན་པས།

དེ་བཟུམ་སྦེ་ བློན་ཆེན་ངོ་ཚབ་དང་ སྐུ་སྒེར་ཚོགས་སྡེའི་ཁྲི་འཛིན་ འབྲུག་བཞུགས་རྒྱ་གཞུང་སྐུ་ཚབ་ སྲིད་སྐྱོང་མི་སྡེའི་ འཐུས་མི་ཚུ་གིས་གཙོས་པའི་ འབྲུག་གཞུང་གི་ ཆེ་མཐོའི་འགོ་དཔོན་ཚུ་དང་ རྒྱ་གར་གཞུང་གི་ འགོ་དཔོན་ཚུ་གིས་ཡང་ བསྔོ་བ་སྨོན་ལམ་གྱི་ ལས་རིམ་ནང་ གྲལ་གཏོགས་འབད་ནུག།

དེ་མ་ཚད་ མི་དབང་མངའ་བདག་རིན་པོ་ཆེ་དང་ མི་དབང་འབྲུག་རྒྱལ་བཞི་མཆོག་གིས་ རྒྱ་གར་གཞུང་དང་ རྒྱ་གར་གྱི་ མི་སེར་ཚུ་ལུ་ སེམས་གསོའི་གསུང་འཕྲིན་ཚུ་ཡང་ གནང་ཡོད་པའི་གནས་ཚུལ།